Prabhu Deva New Movie : ప్రభుదేవా, వేదిక కొత్త సినిమా.. టైటిల్ ఏంటో తెలుసా..!

ప్రభుదేవా హీరోగా వచ్చిన కాదలన్‌(Kadalan) సినిమా అప్పట్లో సూపర్‌ డూపర్‌ హిట్‌! ఆ సినిమాతో ప్రభుదేవా ఓవర్‌నైట్ స్టార్‌ అయిపోయారు. కొరియోగ్రఫీతో పాటుగా హీరో వేషాలు వేయడం మొదలుపెట్టారు. ఇప్పుడు కాదలన్‌ సినిమా గురించి ఎందుకు చెప్పాల్సి వస్తున్నదంటే అందులో పెట్టరాప్‌(pettarap) అనే పల్లవితో సాగే పాట బాగా పాపులరయ్యింది. ఆ పాటలో ప్రభుదేవాతో పాటు వడివేలు(Vadivelu) కూడా నటించాడు. ఇప్పుడు అదే టైటిల్‌తో ప్రభుదేవా హీరోగా ఓ సినిమా వస్తోంది. దీనికి పాట్టు అడి .. ఆట్టం ..రిపీట్‌ అనే ట్యాగ్‌ను పెట్టారు.

ఈ సినిమాలో వేదిక(Vedhika) హీరోయిన్‌గా నటిస్తున్నారు. చాన్నాళ్ల తర్వాత వేదిక తమిళంలో నటిస్తున్న సినిమా ఇది! ఇతర ముఖ్య పాత్రలలో వివేక్‌ ప్రసన్న(Vivek Prasanna), భగవతి పెరుమాళ్‌(Bhagavathi perumal), రమేశ్‌ తిలక్‌(Ramesh thilak), రాజీవ్‌ పిళ్లై(Rajiv Pilai), కళాభవన్‌ షాజన్‌, మైమ్‌ గోపీ, రియాజ్‌ఖాన్‌లు నటిస్తున్నారు. మలయాళ దర్శకుడు జోబీ పి.శ్యామ్‌ ఈ సినిమాను నిర్మిస్తున్నారు. రోమాన్స్‌, కామెడీ, యాక్షన్‌, థ్రిల్లర్‌, మ్యూజికల్‌ ఎంటర్‌టైనర్‌ కథా చిత్రంగా ఇది ఉంటుందని దర్శకుడు అంటున్నారు. ఈ నెల 15 నుంచి సినిమా రెగ్యులర్‌ షూటింగ్‌ ఉంటుందట. సినిమాలోని ప్రధాన సన్నివేశాలను పుదుచ్చేరి, చెన్నైలల చిత్రీకరించనున్నట్టు జోబీ పి.శ్యామ్‌ తెలిపారు. ఈ చిత్రానికి డి.ఇమాన్‌ సంగీతాన్ని అందిస్తున్నారు.