Sanjay Dutt - Prabhas : తాతా మనవళ్లుగా సంజయ్‌దత్‌- ప్రభాస్‌

ఆదిపురుష్‌(adipurush) సినిమా ఫలితం ఏమిటో తెలిసిన తర్వాత ఇప్పుడు ప్రభాస్‌(Prabhas) ఫ్యాన్స్‌ అంతా సలార్‌(salaar) సినిమా కోసం ఎదురుచూస్తున్నారు. సలార్‌ చిత్రంపై ఎంతో నమ్మకం పెట్టుకున్నారు. ఇక ప్రస్తుతం మారుతి(Maruthi) దర్శకత్వంలో ప్రభాస్‌ ఓ చిత్రం చేస్తున్న సంగతి తెలిసిందే కదా! ఇందులో మాళవికా మోహనన్‌(Malavika Mohan) ఓ హీరోయిన్‌గా నటిస్తున్నారు. పీపుల్స్‌ మీడియా ఫ్యాక్టరీ(Peoples Media Factory ) పతాకంపై టీజీ విశ్వప్రసాద్‌(TG Vishwa Prasad) ఈ సినిమాను నిర్మిస్తున్నారు. ఇప్పటి వరకు సగం కంటే ఎక్కువ భాగం షూటింగ్‌ను పూర్తి చేసుకున్న ఈ సినిమాకు రాజా డీలక్స్‌(Raja Delux) అనే టైటిల్‌ పెట్టారు. అయితే ఈ పేరును కొనసాగిస్తారా? లేక మారుస్తారా? అన్నది తెలియదు. తాజాగా అంబాసిడర్‌(Ambassador), రాయల్‌(Royal) అనే పేర్లను కూడా చిత్ర యూనిట్‌ పరిశీలిస్తోంది. మొత్తంగా రాజా డీలక్స్‌ లేదా రాయల్‌ టైటిల్స్‌లో ఏదో ఒకటి ఫైనలైజ్‌ అవుతుందా? లేక మరేదైనా టైటిల్‌ ఈ సినిమాకు ఖరారు అవుతుందా? అన్నది తేలాల్సి ఉంది. హారర్‌ కామెడీ బ్యాకడ్రాప్‌లో రూపొందుతున్న ఈ సినిమా రాజా డీలక్స్‌ అనే థియేటర్‌ బ్యాక్‌డ్రాప్‌లో ఉంటుందట! అన్నట్టు ఈ సినిమాలో ప్రభాస్‌, బాలీవుడ్‌ నటుడు సంజయ్‌ దత్‌(Sanjay Dut) తాతా మనవళ్లుగా కనిపిస్తారట!