Kalki 2898 AD OTT Release : రెండు వేర్వేరు OTT ప్లాట్‌ఫారమ్‌లలో విడుదల కానున్న 'కల్కి'

జూన్ 27న ప్రపంచవ్యాప్తంగా థియేటర్లలోకి వచ్చిన కల్కి 2898 AD.. ఇప్పుడు OTTలో విడుదల కానుంది. అమితాబ్ బచ్చన్, ప్రభాస్, కమల్ హాసన్, దీపికా పదుకొనే న‌టించిన ఈ పౌరాణిక, సైన్స్ ఫిక్షన్ చిత్రం ప్రేక్షకులకు బాగా నచ్చింది. కల్కి క‌లెక్ష‌న్ల‌ పరంగా మంచి రికార్డుల‌ను సాధించింది. అయితే.. OTT విడుదల సంద‌ర్భంగా కల్కి 2898 AD నిర్మాతలు ఒక కొత్త ఎత్తుగడ వేశారు. కల్కి చిత్రం ఒకే రోజు రెండు వేర్వేరు OTT ప్లాట్‌ఫారమ్‌లలో విడుదల కానుంది.

దర్శకుడు నాగ్ అశ్విన్ తెర‌కెక్కించిన‌ కల్కి 2898 AD చిత్రం తెలుగు, హిందీ, తమిళం, తెలుగు, మలయాళం, కన్నడ భాషల్లో విడుదలైంది. ఈ చిత్రానికి సంబంధించి హిందీ OTT విడుదలను మేకర్స్ శనివారం ప్రకటించారు. ఆగస్టు 22 న ప్రసిద్ధ OTT ప్లాట్‌ఫారమ్ నెట్‌ఫ్లిక్స్‌లో హిందీ భాషలో స్ట్రీమింగ్ కానుంది. ఈ సినిమా హిందీ ట్రైలర్‌ను నెట్‌ఫ్లిక్స్ ఇండియా విడుదల చేసింది. కాబట్టి ఆగస్ట్ 22న హిందీలో ప్రభాస్ కల్కి 2898 ADని చూడటానికి సిద్ధంగా ఉండండి.

నెట్‌ఫ్లిక్స్ కాకుండా.. అమెజాన్ ప్రైమ్ వీడియో కూడా కల్కి 2898 AD OTT విడుదల కోసం ఆగస్టు 22 స్లాట్‌ను బుక్ చేసింది. హిందీతో పాటు, తమిళం, తెలుగు, కన్నడ, మలయాళ భాషల్లో ప్రైమ్ వీడియోలో కల్కి విడుదల స్ట్రీమింగ్ కానుంది. కల్కి 2898 AD హిందీలో బాక్స్ ఆఫీస్ వద్ద రూ.291.50 కోట్లు వ‌సూలు చేయ‌గా.. ప్రపంచవ్యాప్తంగా 1200 కోట్ల వసూళ్లు రాబట్టింది.