Payal Rajputh : పాయల్‌ రాజ్‌పుత్‌ను బెదిరిస్తున్న నిర్మాతలు

హీరోయిన్‌ పాయల్‌ రాజ్‌పుత్‌ను(Payal Rajputh) నిర్మాతలు బండబూతులు తిడుతున్నారట! అసభ్య పదజాలంతో దూషిస్తున్నారట! టాలీవుడ్‌ నుంచి బ్యాన్‌ చేస్తామని బెదిరిస్తున్నారట! ఈమె నటిస్తున్న కొత్త సినిమా రక్షణ(Rakshana). అసలు ఈ సినిమా ఎప్పుడు మొదలయ్యిందో, ఎప్పుడు కంప్లీట్‌ అయ్యిందో ఎవరికి తెలియదు. అందుకు కారణం ఇది కొత్త సినిమా కాకపోవడమే. నాలుగేళ్ల కిందట షూటింగ్‌ పూర్తి చేసుకున్న ఈ సినిమా ఫస్ట్‌ కాపీ కూడా వచ్చేసింది. అప్పట్లో ఈ సినిమాకు 5 డబ్ల్యూస్‌ అని పేరు పెట్టారు. సినిమా కొనేందుకు ఎవరూ ముందుకు రాకపోవడంతో డైరెక్ట్‌గా ఓటీటీలో రిలీజ్‌ చేద్దామనుకున్నారు. ఎందుకో అది కూడా వర్క్‌ అవటవ్వలేదు. అందుకే ఆ సినిమా పేరు మార్చి రక్షణ అనే టైటిల్ పెట్టారు. ఈ విషయాలన్నింటినీ పాయల్ రాజ్‌పుతే బయటపెట్టింది. దాంతో పాటు తనకు జరుగుతున్న అన్యాయాన్ని కూడా ఏకరువు పెట్టుకుంది. ఈ సినిమాకు సంబంధించి పాయల్‌కు పూర్తి రెమ్యునరేషన్‌ను(Remuneration) చెల్లించలేదట! ఇంకా కొంచెం అమౌంట్‌ పెండింగ్‌లో ఉందట! ఆ డబ్బు ఇవ్వకుండానే ప్రమోషన్లకు(Promotions) రమ్మని పాయల్‌ను బలవంతం చేస్తున్నారు. బ్యాలెన్స్ అమౌంట్‌ ఇస్తే డిజిటల్ ప్రమోషన్‌ చేస్తానని చెప్పినప్పటికీ నిర్మాతలు మాత్రం తప్పకుండా ప్రమోషన్లకు రావాల్సిందేనంటున్నారట! అసభ్యపదజాలంతో దూషిస్తున్నారని పాయల్‌ రాజ్‌పుత్‌ వాపోతున్నది. తనకు న్యాయం చేయాల్సిందిగా కోరుతున్నది.