Ustaad Bhagat Singh Update: యూట్యూబ్‏ను షేక్ చేస్తున్న ఉస్తాద్ భగత్ సింగ్ ఫస్ట్ గ్లింప్స్..

పవర్ స్టార్ పవన్ కల్యాణ్ (Pawan Kalyan) హీరోగా హరీష్‏శంకర్ దర్శకత్వంలో వస్తున్న సినిమా ఉస్తాద్ భగత్ సింగ్(Ustaad Bhagat Singh). ఇప్పటికే ఈ సినిమా ఫస్ట్ గ్లింప్స్ రిలీజ్ అయి యూట్యూబ్‏ను షేక్ చేస్తోంది. అందరూ కనుకున్నట్టుగానే గ్లింప్స్‏లో పవన్ ఊరమాస్ లుక్‏లో కనిపించాడు. పవన్ మహంకాళి ఏరియా కాప్‏‏గా కనిపించనున్నారు, ఈ సారి పెర్ఫార్మన్స్ బద్దలైపోద్ది అనే డైలాగ్‏ హైలెట్‏గా నిలిచింది. ఓల్డ్ సిటీలో జరిగే అక్రమాలు, అన్యాయాలకు చెక్ పెట్టే ఒక సిన్సియర్ పోలీస్‏ ఆఫీసర్ క్యారెక్టర్‏తో ఆడియన్స్‏ను ఎంటర్‏టైన్ చేయనున్నాడు పవన్. భగద్గీతలోని వాయిస్ ఓవర్‏తో మొదలైన ఈ టీజర్ ఇప్పటికే పవన్ కల్యాణ్ (Pawan Kalyan) ఫ్యాన్స్‏కు పూనకాలు తెప్పిస్తోంది.

ఇక పోలీసు ఆఫీసర్‏గా పవర్ స్టార్ యాక్షన్ సీన్స్ భారీ హైప్‏ను క్రియేట్ చేశాయి. ఆ సినిమా గబ్బర్ సింగ్‏ను మించే ఉంటుందని ఇటు పవన్ అభిమానులతో పాటు కామన్ ఆడియన్స్ బలంగా చెప్తున్నారు. చాలా గ్యాప్ తర్వాత వీరిద్దరి కాంబినేషన్‏లో సినిమా వస్తుండటంతో ఫ్యాన్స్‏కు పండుగ కాస్త ముందుగానే వచ్చినట్టు కనిపిస్తోంది. దీంతో సినిమాపై భారీ ఎక్స్‏పెక్టేషన్స్ ఒచ్చేశాయి. గ్లింప్స్ ఇప్పుడు ట్రెండింగ్‏లో నడుస్తోంది. టీజర్ రిలీజ్ అయి 24 గంటలు గడవకముందు కోటికి పైగా యూట్యూబ్ (Youtube) వ్యూస్‏ను దక్కించుకుంది. ఫస్ట్ గ్లింప్స్ ఒక్కటే ఈ రేంజ్‏లో ఉందంటే ఇంక సినిమా ఏ రేంజ్‏లో ఉంటుందో అని అంతా నోరెళ్లబెడుతున్నారు. ఇక ఈ సినిమాను మైత్రీ మూవీ మేకర్స్ బ్యానర్‏పై నవీన్ యెర్నేని, యలమంచిలి రవిశంకర్ నిర్మిస్తున్నారు. ఈ మూవీలో పంకజ్ త్రిపాఠి(Pankaj Tripathi), అషుతోష్ రాణా మెయిన్ క్యారెక్టర్స్ చేస్తున్నారు. ఇక ఈ చిత్రం త్వరలోనే థియేర్లలోకి రాబోతుంది.