#PKSDT Title Is BRO : ‘బ్రో’ సినిమా ఫస్ట్ లుక్, మోషన్ పోస్టర్ విడుదల.. !

సాయి ధరమ్ తేజ్ (Sai Dharam Tej) నటిస్తున్న #PKSDT సినిమాలో పవర్ స్టార్ పవన్ కల్యాణ్ (Pawan Kalyan) కీలక పాత్ర పోషిస్తున్నారు. ఈ సినిమాలో పవన్ కల్యాణ్ దేవుడిలా కనిపిస్తాడని సినీ వర్గాల సమాచారం. తమిళంలో సూపర్ హిట్ అయిన వినోదయ సీతం (Vinodhaya Sitha)కు రీమేక్‏గా PKSDT చిత్రం రూపొందుతోంది. తమిళ చిత్రానికి దర్శకత్వం వహించిన సముద్రఖని (Samuthirakani) ఈ చిత్రానికి దర్శకత్వం వహిస్తున్నారు.

అయితే ఈ చిత్రాన్ని నిర్మిస్తున్న పీపుల్స్ మీడియా ఫ్యాక్టరీ నిర్మాతలు చిత్ర టైటిల్‏ను అఫిషియల్‏గా ప్రకటించారు. సాయి ధరమ్ తేజ్, పవన్ కల్యాణ్ కాంబినేషన్‏లో వస్తున్న ఈ సినిమా టైటిల్ ‘బ్రో’ (BR)) అంటూ ఓ పోస్టర్ విడుదల చేశారు. చిత్ర ఫస్ట్ లుక్‏తోపాటు మోషన్ పోస్టర్ కూడా రిలీజ్ చేశారు. ఈ పోస్టర్‏లో పవన్ కల్యాణ్ వింటేజ్ స్టైలిష్ లుక్‏లో కనిపిస్తున్నాడు. ఈ పోస్టర్‏లో పవన్ కల్యాణ్ స్టైల్ అంతా కూడా బద్రీ నుంచి రిక్రియేషన్‏లా కనిపిస్తోంది.

మోషన్ పోస్టర్ చూస్తుంటే పవన్ కల్యాణ్ శివుడిని రిప్రజెంట్ చేస్తున్నట్టు కనిపిస్తోంది. మోషన్ పోస్టర్‏కు తమన్ (Thaman) ఇచ్చిన బ్యాక్‏గ్రౌండ్ స్కోర్ ఇంటెన్స్‏గా ఉంది. ఫస్ట్ ఇంప్రెషన్ గురించి చెప్పాలంటే బీమ్లా నాయక్‏కి ఇచ్చినంత బాగా ఈ మూవీకి బీజీఎం ఇవ్వలేదనిపిస్తోంది. ఇక ఈ నెల 28న ప్రేక్షకుల ముందుకు రాబోతున్న బ్రో చిత్రానికి డైలాగ్స్ మాటల మాంత్రికుడు త్రివిక్రమ్ (Trivikram) అందిస్తున్నారు. ఈ చిత్ర నిర్మాణంలో జీ స్టూడియోస్ కుడా భాగమై ఉంది. ఇక చిత్రం 2023 జులై 28న థియేటర్లలోకి రానుంది.