Dulqer Salmaan-Rana :దుల్కర్‌ సల్మాన్‌- రానా కాంబినేషన్‌లో కాంత సినిమా!

మలయాళ స్టార్‌ హీరో దుల్కర్‌ సల్మాన్(dulqer Salman) తండ్రి మమ్ముట్టీలాగే(Mammootty) వరుస సినిమాలను చేసుకుంటూ వెళుతున్నారు. అవి కూడా ఎంపిక చేసుకున్న సినిమాలు మాత్రమే! అందుకే దుల్కర్‌ సినిమాలన్నీ విజయవంతం అవుతున్నాయి. బర్త్‌డే సందర్భంగా ఆ హీరో తన అభిమానులకు బ్యాక్‌ టు బ్యాక్‌ అప్‌డేట్స్‌ అందిస్తూ సంతోషపరుస్తున్నాడు. తాజాగా కొత్త సినిమా వార్త అందించారు. బాహుబలి స్టార్‌ దగ్గుబాటి రానాతో(Daggubati Rana) కలిసి ఓ సినిమాలో నటించబోతున్నాడు. దుల్కర్‌ సల్మాన్‌ హీరోగా నటిస్తున్న ఈ సినిమాకు కాంత(Kantha) అనే పేరును ఖరారు చేశారు. ఈ విషయాన్ని చెబుతూ టైటిల్ లుక్‌ విడుదల చేశారు. ప్రస్తుతం ఈ టైటిల్‌ లుక్‌ సోషల్‌ మీడియాలో ట్రెండింగ్‌ అవుతోంది.

నిలా ఫేమ్‌ సెల్వరాజ్‌(Selvaraj) ఈ సినిమాకు దర్శకత్వం వహిస్తున్నాడు. సెల్వరాజ్‌ తెరకెక్కించిన డ్యాకుమెంటరీ సిరీస్‌ ది హంట్‌ ఫర్‌ వీరప్పన్‌ ఆగస్టు 4వ తేదీన నెటిఫ్లిక్స్‌లో విడుదల కానుంది. ఈ సినిమా ఏ జోనర్‌లో రాబోతుదందనేది ప్రస్తానికి సస్పెన్స్‌గా ఉంది. లేటెస్ట్‌ టాక్‌ ప్రకారం దుల్కర్‌ సల్మాన్‌ ఇంతకు ముందు ఎప్పుడూ కనిపించని సరికొత్త గెటప్‌లో కనిపించబోతున్నాడు. వేఫరెర్ ఫిలిమ్స్‌, స్పిరిట్ మీడియా సంయుక్తంగా ఈ సినిమాను నిర్మిస్తున్నాయి. కాంత తమను ఓ చోట కలిపిన ప్రాజెక్టు అని, అపారమైన ప్రతిభావంతులైన దుల్కర్‌ సల్మాన్‌తో కలిసి నటించడం సంతోషంగా ఉందని రానా అన్నాడు. దుల్కర్‌, వేఫేరర్‌ బ్యానర్‌తో ఈ ప్రయాణాన్ని ప్రారంభించడం పల్ల ఆనందిస్తున్నామన్నాడు. దుల్కర్‌కు బర్త్‌డే శుభాకాంక్షలు చెబుతూ కాంత ప్రపంచంలోకి స్వాగతం అంటూ ట్వీట్‌ చేశాడు రానా.