Deep Fake : డీప్‌ఫేక్‌తో యువతుల న్యూడ్‌ వీడియోలు

క్రియేటివ్, ఎంటర్‌టైన్‌మెంట్‌ కోసం డీప్‌ ఫేక్‌ టెక్నాలజీని (Technology) రూపొందించారు. అసాధ్యమనుకున్న వాటిని దీనితో సుసాధ్యం చేసే టెక్నాలజీ దీని సొంతం. చనిపోయిన నటుడి (Expired Artist)ని కూడా తెరపై చూపించే టెక్నాలజీ డీప్‌ఫేక్‌ సొంతం. డబ్బింగ్‌ (Dubbing) లేకుండా కూడా ఆ నటుడి స్వరాన్ని యథాతథంగా డీప్‌ఫేక్‌ టెక్నాలజీ సాయంతో మార్చే అవకాశం ఉంది.

అయితే ఈ టెక్నాలజీని దుర్వినియోగం చేసేందుకు కొన్ని అరాచకశక్తులు కాచుకొని కూర్చుంటాయి. సెలబ్రిటీల (Celebrities) నుంచి సామన్యుల వరకు ఈ డీప్‌ఫేక్ బారిన పడి కొత్త కష్టాలబారిన పడుతున్నారు. హీరోయిన్లు రష్మిక (Rashimika), కాజోల్ (Kazol) సహా ఎందరో ఈ డీప్‌ఫేక్ బారిన పడుతున్నారు. తాజాగా ఇలాంటి సంఘటన ఒకటి హైదరాద్‌లో చోటుచేసుకుంది. డీప్‌ఫేక్‌ను తన అస్త్రంగా మలుచుకున్నాడు మనీష్ (Manish) అనే కేటుగాడు. డీప్‌ఫేక్‌తో యువతుల (Girls) నగ్న వీడియోలను తయారుచేస్తున్నాడు. ఆ వీడియోలను సంబంధిత యువతులకు పంపించి బ్లాక్‌మెయిల్‌కు (Black Mailing) పాల్పడుతున్నాడు. అంతేకాదు డబ్బులు ఇవ్వకుంటే ఈ వీడియోలను పోర్న్‌సైట్లలో (Porn Sites) ఉంచుతానని బెదిరిస్తున్నాడు. దీంతో భాయందోళనకు గురైన పలువురు బాధితులు సైబర్‌ క్రైమ్‌కు (Cyber Crime) ఫిర్యాదు చేయగా మనీష్‌ అనే వ్యక్తిని అరెస్ట్‌ చేశారు.