Trolls On Director Atlee : జవాన్ ను ఆస్కార్ కు పంపిస్తానన్న అట్లీ.. నెటిజన్లు ఏమంటున్నారంటే..?

జవాన్ సినిమాను(Jawan Movie) ఆస్కార్ కు తీసుకెళ్తాడట డైరెక్టర్ అట్లీ.. షారుఖ్ ఖాన్(Shahrukh Khan) తో డిస్కర్షన్స్ కూడా చేస్తానంటున్నాడు. మనోడి కాన్ఫిడెంట్ కు నెటిజన్లు ఏమంటున్నారో తెలుసా..?

బాలీవుడ్ కింగ్ షారుఖ్ ఖాన్(Shahrukh Khan) హీరోగా.. లేడీ సూపర్ స్టార్ నయనతార(Nayanthara) హీరోయిన్ గా తెరకెక్కిన సినిమా జవాన్. సెప్టెంబర్ 7న ప్రపంచ వ్యాప్తంగా ప్రేక్షకుల ముందుకు వచ్చిన జవాన్(Jawan) బాక్సాఫీస్ దగ్గర బ్లాస్టింగ్ కలెక్షన్స్ సాధించింది. వరుసగా రెండు సినిమాలతో ఇండస్ట్రీ హిట్ కొట్టాడు బాలీవుడ్ బాద్ షా. పఠాన్ తో బాలీవుడ్ లో మాత్రమే బ్లాక్ బస్టర్ ఇచ్చిన షారుఖ్.. ఆసారి సౌత్ ను కూడా టార్గెట్ చేశాడు.

తమిళ డైరెక్టర్ అట్లీ(Atlee) దర్శకత్వంలో రూపొందిన ఈసినమాలో విజయ్ సేతుపతి(Vijay Sethupati) విలన్ గా.. నటించగా.. ఈమూవీ ప్రపంచ వ్యాప్తంగా ఇంకా కలెక్షన్లు కొల్లగోడుతూనే ఉంది. ఇప్పటి వరకూ.. దాదాపు 800 కోట్లకు పైగా గ్రాస్ కలెక్షన్స్ కలెక్ట్ చేసి 1000 కోట్ల వైపుకు దూసుకెళ్తుంది. పఠాన్ తర్వాత జవాన్ బ్యాక్ టు బ్యాక్ సినిమాలు సక్సెస్ సాధించడంతో షారుఖ్ దిల్ ఖుష్ అయ్యాడు.. ఫ్యాన్స్ పండగ చేసుకుంటున్నారు.. ఇక తాజాగా ఈమూవీకి సబంధించిన ఓ న్యూస్ వైరల్ అవుతోంది.

జవాన్ సక్సెస్ తో డైరెక్టర్ అట్లీ ఇమేజ్ భారీగా పెరింది. తాజాగా డైరెక్టర్ అట్లీ ఓ మీడియా సంస్థకు ఇచ్చిన ఇంటర్వ్యూలో ఇంట్రెస్టింగ్ విషయాలు వెల్లడించాడు. జవాన్ సినిమాను ఆస్కార్ కు(Oscar) తీసుకెళ్ళే ప్రయత్నం చేస్తాను అన్నాడు. అనుకున్నవి అన్ని జరిగితే జవాన్ ఆస్కార్స్ కి వెళ్తుంది. ప్రతి డైరెక్టర్, ప్రతి సినిమా, సినిమాకు సంబంధించిన వాళ్లంతా వాళ్ళ సినిమాలకు అవార్డులు రావాలని కోరుకుంటారు. ఆస్కార్స్, గోల్డెన్ గ్లోబ్, నేషనల్ అవార్డ్స్.. ఇలా ప్రతిషాత్మకమైన అవార్డులు తమ సినిమాలకి రావాలనుకుంటారు. నేను కూడా అంతే జవాన్ సినిమాని ఆస్కార్స్ కి తీసుకెళ్లడానికి ప్రయత్నిస్తాను. షారుఖ్ సర్ తో నేను మాట్లాడి ఆస్కార్ కి పంపించే ప్రయత్నాలు చేస్తాను అని తెలిపాడు.

అయితే అట్లీ కామెంట్స్ పై నెటిజన్లు రకరకాలుగా స్పందిస్తున్నారు.ప్రతి సినిమాని ఆస్కార్ కి పంపిస్తాం అంటున్నారు. జవాన్ సినిమాలో ప్రత్యేకత ఏముంది.. కొత్త కథేమి కాదు కదా..? పాత కమర్షియల్ కథను కాస్త కొత్తగా తయారు చేశాడు. సౌత్ వాళ్లు ఇలాంటి సినిమాలు ఎప్పుడో చూశారు.. బాలీవుడ్ కు ఇవి కొత్త కాబట్టి.. షారుఖ్ ను కొత్తగా చూపించేసరికి ఆదిరించారు. అందుకే అక్కడ జవాన్ హిట్ అయ్యింది అంటున్నారు.

ఇక ఈ సినిమాలోని అన్ని సీన్స్ ఏదో ఒక సినిమా నుంచి కాపీ కొట్టినవే అని నెటిజన్స్ ట్రోల్ చేశారు. జవాన్ కు ఆస్కార్ అంటూ.. అట్లీ చేసిన కామెంట్స్ ప్రస్తుతం వైరల్ అవుతున్నాయి. మరీ ఓవర్ అంటూ పలువురు నెటిజన్లు, మీమర్స్ అట్లీ మీద ట్రోల్స్ చేస్తున్నారు