Venkat Prabhu : లగ్జరీ కారు కొన్నాడు. ..నెటిజన్లతో తిట్టించుకుంటున్నాడు!

కోలీవుడ్‌ స్టార్‌ హీరో దళపతి విజయ్‌(Vijay thalapathy) నటించిన ది గోట్(The GOAT) సినిమా ఫ్యాన్స్‌కు మినహా ఎవరికీ పెద్దగా నచ్చలేదు. ఆ సినిమాకు దర్శకత్వం వహించిన వెంకట్‌ ప్రభు(Venkat prabhu) తీవ్ర విమర్శలు ఎదుర్కొంటున్నాడు. ఇప్పటి వరకు ఆయనకు ఉన్న క్రేజ్‌ ది గోట్ సినిమాతో మట్టికొట్టుకుపోయింది. ఒక్క తమిళనాడులో తప్పితే ఎక్కడా ఆ సినిమా సరిగ్గా ఆడటం లేదు. అంత పెద్ద బోర్‌ సినిమా తీసి ఇమేజ్‌ పోగొట్టుకున్న వెంకట్‌ప్రభు ఆ తర్వాత ఇచ్చిన స్టేట్‌మెంట్లతో మరింత ఇమేజ్‌ను డ్యామేజ్‌ చేసుకున్నాడు. చెన్నైసూపర్ కింగ్స్(CSK) ను చూపించడం వల్లనే మిగతా రాష్ట్రాల ప్రజలు ది గోట్‌ను చూసేందుకు ఇష్టపడలేదని ఓసారి అన్నాడు. మరోసారి తను సమీక్షకుల కోసం సినిమా తీయలేదంటూ కాంట్రవర్సరీ వ్యాఖ్యలు చేశారు. ఈ దెబ్బతో నాలుగైదు రోజుల పాటు ట్రోలింగ్‌కు గురయ్యాడు వెంకట్‌ప్రభు. అంతా సద్దుమణిగిపోయందనుకున్న టైమ్‌కు మళ్లీ ట్రోలింగ్‌కు గురవుతున్నాడు. అందుకు కారణం అతడు 80 లక్షల రూపాయలు పెట్టి ఓ లగ్జరీ కారు(Car) కొనడమే. చెత్త సినిమా తీసి తమకు తలనొప్పులు తెచ్చిపెట్టి నువ్వేమో లగ్జరీ కారు కొనుక్కుంటావా అంటూ నెటిజన్లు తిట్టిపోస్తున్నారు. సినిమాలో దళపతి విజయ్‌ ఉన్నాడు కాబట్టి కనీసం తమిళనాడులో అయినా ఆడింది. లేకపోతే ఢమాల్‌ అనేది అంటూ కోపగిస్తున్నారు.