Nayanthara Documentry Review : నయన్‌ డాక్యుమెంటరీ బిలో యావరేజే!

లేడి సూపర్‌స్టార్‌ నయనతార(Nayanthara) డాక్యుమెంటరీ(Documentry) గొప్పగా ఏమీ లేదు. గంటన్నర నిడివి ఉన్న ఈ డాక్యుమెంటరీ చప్పగా సాగింది. అసలు నయనతార జీవితంలో కథకు కావాల్సినంత మెటిరీయల్‌ ఏముంది కనుక? ఉన్నా ఇందులో చూపించలేదు ఎందుకో! వ్యక్తిగత జీవితంలో ఆమెకు కొన్ని ఆటుపోట్లు వచ్చి ఉంటాయి. కొన్ని ప్రేమలు దెబ్బతిని ఉంటాయి. కెరీర్‌లో కొన్ని ప్రతిబంధకాలు ఎదురయ్యి ఉంటాయి. అయినప్పటికీ అవేమీ పెద్దవి కావు. చాలా మంది హీరోయిన్లకు ఎదురయ్యే ఇబ్బందులే ఇవి! నెట్‌ఫ్లిక్స్‌(Netflix documentry) వారు నయన్‌ జీవితగాధను (మొత్తం కాదు సుమా) డాక్యుమెంటరీతో సరిపెట్టారు. బయోపిక్‌ తీసి ఉంటే ఇంకా బోర్‌గా ఉండేదేమో! హీరో ధనుష్‌తో గొడవ జరిగింది కాబట్టి ఈ డాక్యుమెంటరీకి ఈ మాత్రం పబ్లిసిటీ అయినా వచ్చింది. లేకపోతే దీనిపై ఎవరికీ పెద్దగా ఆసక్తి ఉండేది కాదేమో! టీవీలలో సెలెబ్రిటీల ఇంటర్వ్యూలప్పుడు చిన్నప్పట ఫోటోలు, వీడియోలు, స్నేహితులతో ముచ్చట్లు, టీచర్లతో మంచి మాటలు చెప్పించడాలు, సన్నిహితుల కామెట్లు వగైరా వగైరాలు చూపిస్తారు కదా! అచ్చంగా ఈ డాక్యుమెంటరీలో కూడా అలాంటివన్నీ ఉన్నాయి. ఆమెతో కలిసి ప్రయాణించినవారితో కొన్ని బైట్లు పెట్టారు. ఫోటోలు, వీడియోలు సరేసరి. ఇండస్ట్రీలో ఎలా అడుగుపెట్టారో చూపించారు. ఆమె ఆకారంపై చాలా మంచి కామెంట్లు చేశారు. అవి నయనతారను బాగా బాధపెట్టి ఉంటాయి. బిల్లా సినిమాలో బికినీలో ఎందుకు కనిపించాల్సి వచ్చిందో, సినిమా అవకాశాలు తగ్గినప్పుడు నాగార్జున ఏ సాయం చేశాడో, శ్రీ రామరాజ్య సినిమాలో సీత పాత్ర వేస్తున్నప్పుడు వచ్చిన విమర్శలు.. ఇవన్నీ డాక్యుమెంటరీలో చూపించారు. వ్యాంప్‌ వంటి పాత్రలు ధరిస్తున్న నయనతారకు సీత పాత్ర ఇవ్వడమా? అంటూ మండిపడ్డారు చాలా మంది. కానీ సీత పాత్రలో నయనతార జీవించింది. అద్భుతమైన నటనను కనబర్చింది. శ్రీరామరాజ్యం తర్వాత నయనతారకు అభిమానులు పెరిగారు. ఆమెపై తమకున్న అభిప్రాయాన్ని చాలా వరకు మార్చుకున్నారు.

డాక్యుమెంటరీలో శింబు, ప్రభుదేవల ప్రస్తావనే లేదు. డయానా మరియం కురియన్‌ నయనతారగా ఎలా మరింది? హిందుమతం ఎందుకు తీసుకోవాల్సి వచ్చింది? పిల్లల కోసం సరోగసీని ఎందుకు ఎంచుకోవాల్సి వచ్చింది.. ఇవన్నీ డాక్యుమెంటరీలో చూపించారు. ఎక్కువ సమయాన్ని విఘ్నేశ్‌ శివన్‌తో(Vignesh shivan) ప్రేమ ఎలా మొదలయ్యింది? ఎలా బలపడింది? పెళ్లి ఎలా జరిగింది? ఇలాంటి వాటికే కేటాయించారు. ధనుష్‌తో గొడవకు కారణమైన నానుమ్‌ రౌడీదాన్‌ సినిమా క్లిప్పింగ్‌ కూడా నాసిరకంగానే ఉండటం విశేషం.