Nandhamuri Balakrishna : సంక్రాంతి బరిలో బాలయ్య!

నందమూరి బాలకృష్ణ(Nandhamuri balakrishna) ఫుల్లు ఫామ్‌లో ఉన్నాడు. ఈ వయసులో కూడా ఆయన సినిమాలు బాక్సాఫీస్‌ దగ్గర కలెక్షన్లను కుమ్మేస్తున్నాయి. వరుస హిట్లతో దూసుకుపోతున్న బాలయ్య సంక్రాంతి(Sankranthi) బరిలో దిగబోతున్నాడు. బాలకృష్ణకు సంక్రాంతి సెంటిమెంట్ బాగా కలిసి వచ్చింది. అందుకే ఆయన తాజా చిత్రం ఢాకూ మహరాజ్‌(Daku maharaj)ను కూడా 2025 సంక్రాంతికి విడుదల చేయబోతున్నారు. వాల్తేర్‌ వీరయ్య తర్వాత దర్శకుడు బాబీ(Bobby) చేస్తున్న సినిమా ఇదే! శుక్రవారం మేకర్స్‌ 96 సెకన్ల టీజర్‌ను విడుదల చేశారు. సినిమాకు ఢాకూ మహరాజ్‌ అనే టైటిల్‌పెట్టారు. టీజర్‌లో ఆ విషయమే రీవీల్‌ చేశారు. టీజర్‌లో హీరో ఎవరు.. విలన్ నా.. హీరోనా.. ఇంకా ఎవరు ఎవరు అంటూ వాయిస్‌ ఓవర్‌లో డైలాగ్‌ చెప్పించారు. తర్వాత రాజ్యం లేకుండానే యుద్దం చేసిన ఓ రాజుది… గండ్రగొడ్డలి పట్టిన యమ ధర్మరాజుది ఈ కథ అనే ఎలివేషన్ ఇచ్చి బాలకృష్ణతో ఎవరో తెలుసా అని హిందీ డైలాగ్‌ చెప్పించారు. ఆ తర్వాత ఢాకూ మహరాజ్‌ అనే టైటిల్‌ వస్తుంది. థమన్‌ బ్యాక్‌గ్రౌండ్‌ మ్యూజిక్‌ అదిరిపోయింది. టీజర్‌ చూసిన తర్వాత సినిమాపై ఆసక్తి పెరిగింది. ఈ సినిమాను సూర్యదేవర నాగవంశీ నిర్మిస్తున్నారు.