Nagarjuna-Rajamouli : రాజమౌళి సినిమాలో నాగార్జున

మొన్నటి సంక్రాంతి బరిలో కాసిన్ని కాసులను, కాసింత పేరును తెచ్చుకున్న సినిమా నా సామిరంగ. నాగార్జున(Nagarjuna)కు ఇది డీసెంట్‌ హిట్టే! మహేశ్‌బాబు గుంటూరుకారం, వెంకటేశ్‌ సైంధవ్‌లతో పోలిస్తే ఇది బెటరేనని అన్నారు చాలా మంది. నాగార్జునలో ఈ సినిమా ఆత్మవిశ్వాసం నింపింది. ఆ ఉత్సాహంతోనే శేఖర్‌ కమ్ముల సినిమాను కూడా వేంగా పూర్తి చేయాలని అనుకుంటున్నారు నాగార్జు. ధనుష్‌ కథనాయకుడిగా నటిస్తున్న ఈ సినిమాలో నాగార్జున అండర్‌వరల్డ్‌ డాన్‌గా కనిపించబోతున్నారు. ఈ సినిమాకు ధారవి అనే పేరును అనుకుంటున్నారట! ముంబాయిలోని ఓ స్లమ్‌ ఏరియాకు ధారవి అని పేరు. ఏసియాలోనే అతి పెద్ద స్లమ్‌ ఏరియాగా పేరొందింది. ఈ ప్రాంత నేపథ్యంలోనే ఈ సినిమా సాగుతుందట! ఇదిలా ఉంటే తమిళ దర్శకుడు నవీన్‌ దర్శకత్వంలో కూడా నాగార్జున ఓ సినిమా చేయబోతున్నారు. ఇది పూర్తిస్థాయి యాక్షన్‌ సినిమాగా ఉంటుందట! అయితే ఇది ఓటీటీ సినిమాగా రానుందని సమాచారం. అన్నింటి కంటే ముఖ్యమైన విషయమేమిటంటే మహేశ్‌బాబుతో ఎస్‌.ఎస్‌.రాజమౌళి రూపొందిస్తున్న సినిమాలో నాగార్జున ఓ ప్రత్యేక పాత్రలో కనిపించబోతున్నారన్నది లేటెస్ట్‌ టాక్‌. ఈ విషయంపై నాగార్జున, రాజమౌళి మధ్య చర్చలు కూడా జరిగాయట! ఇది ఫైనలైజ్‌ అయితే మాత్రం అక్కినేని ఫ్యాన్స్‌కు గుడ్‌న్యూసే అవుతుంది.