Nagarjuna-Danush Combination : తెలుగులో మరో మల్టీస్టారర్‌ సినిమా ... హీరోలెవరంటే!

మల్టిస్టారర్‌ సినిమాలకు ఉండే క్రేజే వేరు! ఒకప్పడు అగ్రకథానాయకులు ఎలాంటి అరమరికలు లేకుండా హాయిగా మల్టిస్టారర్‌ సినిమాలలో నటించేవారు. ఎన్టీఆర్‌-ఎఎన్‌ఆర్‌ కలిసి నటించిన సినిమాలు చాలానే ఉన్నాయి. కృష్ణ-శోభన్‌బాబు సినిమాలు కూడా! టాలీవుడ్‌లో తర్వాతి కాలంలో మల్టిస్టారర్‌ సినిమాలు తగ్గాయి. ఇటీవల ఎన్టీఆర్‌, రామ్‌చరణ్‌ కలిసి ఆర్‌ఆర్‌ఆర్‌లో నటించారు. అది ఎంత గొప్ప విజయం సాధించిందో మనకు తెలిసిందే! ఇప్పుడు తెలుగులో సరికొత్తగా ఓ మల్టిస్టారర్‌ సినిమా కోసం చర్చలు మొదలయ్యాయి. అంతా అనుకున్నట్టు జరిగితే ఇందులో నాగార్జున(Nagarjuna)- తమిళ హీరో ధనష్‌(Danush) కలిసి నటించే అవకాశాలున్నాయి. నిజానికి ఇంతకు ముందే వీరిద్దరు కలిసి ఓ సినిమాలో నటించాల్సి ఉండింది.

ఎందుకో తెలియదు కానీ అది కార్యరూపం దాల్చలేదు. అనూహ్యంగా ఇప్పుడు మళ్ల ఈఈ కలయిక తెరపైకి వచ్చింది. మరో ఆసక్తికరమైన విషయమేమిటంటే ఈ సినిమాకు శేఖర్‌ కమ్ముల(Shekar Kammula) దర్శకత్వం వహించడం. ధనుష్‌ కథానాయకుడిగా శేఖర్‌ కమ్ముల దర్శకత్వంలో ఓ పాన్‌ ఇండియా మూవీ ఖరారైన విషయం తెలిసిందే కదా! ఈ సినిమాను ఏషియన్‌ సంస్థ అధినేత సునీల్ నారంగ్‌ నిర్మిస్తున్నారు. ఈ సినిమాలోనే అక్కినేని నాగార్జున ఓ కీలక పాత్ర పోషిస్తారని తెలుస్తోంది. ఇది ఒక మల్టీస్టారర్‌ సినిమాగా రూపొందే అవకాశాలున్నాయని సినీ పరిశ్రమ వర్గాలు చెబుతున్నాయి. ప్రస్తుతం అందుకు సంబంధించిన కథాచర్చలు కొనసాగుతున్నాయి.