Manasa Varanasi : హీరోయిన్‌ కాబోతున్న మిస్‌ ఇండియా!

మూడేళ్ల కిందట మిస్‌ ఇండియా(Miss India) టైటిల్‌ గెల్చుకున్న పదహారణాల తెలుగమ్మాయి మానస వారణాసి(Manasa varanasi) గుర్తున్నారు కదా! ఇప్పుడామె హీరోయిన్‌ కాబోతున్నారు. యువ కథానాయకుడు అశోక్‌ గల్లా(Ashok Galla) హీరోగా వస్తున్న ఓ సినిమాలో మానస కథానాయిక. ఈ సినిమాకు అర్జున్‌ జంధ్యాల(Arjun jandhyala) దర్శకత్వం వహిస్తున్నాడు. ప్రశాంత్‌ వర్మ అందించిన కథతో రూపొందుతున్న ఈ సినిమాను లలితాంబిక ప్రొడక్షన్స్‌ బ్యానర్‌పై సోమినేని బాలకృష్ణ నిర్మిస్తున్నారు. ఈ సినిమాలో మానస వారణాసి పోషిస్తున్న పాత్రని చిత్రబృందం పరిచయం చేసింది. సత్యభామగా ఆమె తెరపై సందడి చేయనున్నారు. ‘‘అశోక్‌ గల్లా మాస్‌ లుక్‌లో... యాక్షన్‌ అవతారంలో ఈ సినిమాలో సందడి చేయనున్నారు. ప్రస్తుతం ఈ సినిమా చిత్రీకరణ దశలో ఉంది. మాటలు బుర్రా సాయిమాధవ్‌ అందిస్తున్న ఈ సినిమాకు భీమ్స్‌ సిసిరోలియో సంగీతాన్ని అందిస్తున్నారు.