Ravi Teja and Harish Shankar : రిపిట్ కాబోతున్న రవితేజ-హరీష్ శంకర్ కాంబినేష్.. ఈ సారి మరింత ఘాటుగా...

కొన్ని కాంబినేన్లు అలా గుర్తుండిపోతాయి.. ఆడియన్స్ మనస్సుల్లో చెరగని ముద్ర వేస్తాయి... ఫ్యాన్స్ అయితే మళ్ళీ మళ్ళీ ఆ కాంబో రిపిట్ అయితే బాగుండు అనుకుంటారు. అలాంటి కాంబోనే ఒకటి రిపిట్ కాబోతోంది.

వరుస సినిమాలతో దూకుడు మీద ఉన్న మాస్ మహారాజ్ రవితేజ.. తన పాత డైరెక్టర్లను రిపిట్ చేస్తున్నాడు. సూపర్ హిట్ సినిమాలకోసం తనతో ఊరమాస్ సినిమాలు చేసిన దర్శఖులను ఏరి కోరి మరీ తెచ్చుకుంటున్నాడు. తాజాగా మాస్ మహారాజ్ రవితేజ.. హరీష్ శంకర్ మిరపకాయ్ కాంబో త్వరలో రిపీట్ కాబోతోంది. మిర్చిలాంటి కుర్రాడి కథతో .. తెరకెక్కిన సినిమా సూపర్ హిట్ అవ్వకపోయినా.. రవితేజ్ ఫ్యాన్స్ ను అలరించింది. మంచి సినిమాగా ఆడియన్స్ క గుర్తుండిపోయింది మిరపకాయ్.

ఇక తాజాగా మిరపకాయ్ కాంబో రిపిట్ కాబోతున్నట్టు తెలుస్తోంది. హరీష్ శంకర్ ఈసారి కాస్తఘాటు పెంచి..మాస్ మహారాజ్ కోసం సరికొత్త కథను తయారు చేశారట. రవితేజ లైనప్‌లో హరీష్ శంకర్‌ ఉన్నాడట. షాక్‌ సినిమాతో హరీష్‌ శకర్ ను ఇండస్ట్రీకి పరిచయం చేసింది రవితేజనే. అయితే ఈ సినిమా డిజాస్టర్ అయ్యింది. అయినా సరే హరీష్ ను నమ్మి.. మిరపకాయ్‌ సినిమా చేశాడు. ఇది సూపర్ సక్సెస్ అయ్యింది. ఆతరువాత శంకర్ బ్యాక్ టూ బ్యాక్ హిట్లతో దూసుకుపోయాడు. తాజాగా వీరి కాంబోలో హ్యాట్రిక్ మూవీ రాబోతున్నట్టు తెలుస్తోంది.

రీసెంట్ గా రవితేజను కలిసి ఓ లైన్‌ చెప్పాడట హారీష్ శంకర్ . రవితేజకు ఆ లైన్‌ బాగా నచ్చడంతో ఫుల్‌ స్క్రిప్ట్‌ను రెడీ చేయమని చెప్పినట్లు టాక్‌. ప్రస్తుతం పవర్ స్టార్ పవన్ కళ్యాణ్ తో ఉస్తాద్‌ భగత్ సింగ్ చేస్తున్నాడు హరీష్. ఈసినిమా పూర్తి చేయగానే హరీష్‌ రవితేజ్ సినిమాను పట్టాలెక్కిస్తాడని టాక్. అయితే ఈసినిమాపై ఇప్పటి వరకూ అఫీషియల్ అనౌన్స్ మెంట్ మాత్రం రాలేదు. మరి చూడాలి ఈ విషయం ఎప్పుడు ప్రకటిస్తారో.. అసలు ఈసినిమా పట్టాలెక్కుతుందా లేదా.. ప్రపోజల్స్ వరకూ ఆగిపోతుందా అని.