SSMB28 titled Guntur Kaaram : ఎస్ఎస్ఎంబీ28 టైటిల్ విడుదల.. మాస్ లుక్‏లో కనిపించిన మిల్క్ బాయ్.. !

మిల్క్‏బాయ్ మహేష్‏బాబు (Mahesh Babu) తండ్రి కృష్ణ పుట్టిన రోజు సందర్భంగా ఎస్ఎస్ఎంబీ28 టైటిల్‏తోపాటు ఫస్ట్ లుక్‏ను విడుదల చేశారు మేకర్స్. ఎస్ఎస్ఎంబీ28 చిత్రానికి ‘గుంటూరు కారం’ (Guntur Kaaram) అనే టైటిల్‏ను ఫిక్స్ చేశారు. ఫస్ట్ లుక్ వీడియోలో మహేష్‏బాబు యాక్షన్ సీక్వెన్స్‏తోపాటు ప్యూర్ మాస్ లుక్‏తో కనిపించారు. మాస్ స్క్రీన్ ప్రెజెన్స్, వింటేజ్ లుక్‏తో మహేష్ అదరగొట్టేశాడు. ఈ టైటిల్‏ను హైలీ ఇన్ ఫ్లామబుల్ #గుంటూరు కారం అని ట్వీట్ వేశారు. అయితే సినిమాలో మహేష్ కుటుంబం గుంటూరు జిల్లాకు చెందిన వారు కావడంతో ఈ టైటిల్‏ను పెట్టారని సమాచారం. ప్రస్తుతం సినిమా గుంటూరు పరిసర ప్రాంతాల్లో షూటింగ్ జరుపుకుంటోంది.

టైటిల్‏ను బట్టి చూస్తే సినిమా అంతా మాస్ మసాలా ఎంటర్‏టైనర్‏గా ఉండబోతున్నట్టు పోస్టర్ ద్వారా తెలుస్తోంది. ఫస్ట్ లుక్ వీడియోలో మహేష్ రౌడీలను చితక్కొడుతూ కనిపించారు. ‘ఏంది అట్టా జూస్తున్నవ్.. బీడీ త్రీడీలో కనపడతందా’ అనే డైలాగ్ వీడియోలో ఇన్‏టెన్సివ్ క్రియేట్ చేసింది. ఇటు థమన్ మ్యూజిక్ కూడా ప్లస్ అయినట్టు కనిపిస్తోంది. ఇక ఇవాళ ఉదయం కృష్ణ మొదటి యానివర్శరీ సందర్భంగా మహేష్ కొత్త పోస్టర్‏ను రిలీజ్ చేస్తూ.. పోస్టర్ తన తండ్రికి అంకితం ఇస్తున్నట్టు ట్వీట్ చేశారు.

ఇక గుంటూరు కారం విషయానికి వస్తే.. మహేష్ బాబు, త్రివిక్రమ్ కాంబినేషన్‏లో 12 ఏళ్ల తర్వాత వస్తున్న మూడో చిత్రం ఈ గుంటూరు కారం (Guntur Kaaram). గతంలో వీరిద్దరి కాంబినేషన్‏లో ఖలేజా(Khaleja), అతడు (Athadu) చిత్రాలు వచ్చాయి. ఇక త్రివిక్రమ్ శ్రీనివాస్ (Trivikram Srinivas)‏కు అత్తారింటికి దారేది బ్లాక్ బస్టర్‏ను అందించింది. 2019లో మహర్షి చిత్రంలో మహేష్ బాబు సరసన హీరోయిన్‏గా పూజా హెగ్డే నటించింది. అదలా ఉంటే హరిక అండ్ హాసిని క్రియేషన్స్ బ్యానర్ పై ఎస్. రాధాకృష్ణ (చిన్నబాబు) ప్రొడ్యూస్ చేస్తున్నారు. చిత్రానికి సంగీతం ఎస్. థమన్ అందిస్తుండగా.. నవీన్ నూలి ఎడిటర్‏గా ఉన్నారు.

గుంటూరు కారం సినిమా వచ్చే ఏడాది సంక్రాంతికి విడుదలకానుంది. సంక్రాంతికి విడుదలైన సినిమాలన్నీ బ్లాక్ బస్టర్లు కావడంతో అదే సెంటిమెంట్‏తో ఈ చిత్రాన్ని విడుదల చేయాలని మేకర్స్ నిర్ణయం తీసుకున్నారు. మరోవైపు ఎస్ఎస్ఎంబీ28 సినిమా పోస్ట్ థియేట్రికల్ స్ట్రీమింగ్ రైట్స్‏ను నెట్‏ఫ్లిక్స్ (Netflix) భారీ మొత్తానికి తీసుకుంది.