Mahesh Tweet On Jawan Movie : మహేశ్‌.. నువ్వు ఎప్పుడు సినిమా చూస్తావో చెప్పు, నేనూ వస్తా.... షారూక్‌

బాలీవుడ్‌ బాద్షా షారూక్‌ ఖాన్‌(Shah Rukh Khan) నటించిన జవాన్(Jawan) సినిమా గురువారం ప్రపంచవ్యాప్తంగా విడుదలయ్యింది. పాజిటివ్‌ టాక్‌తో దూసుకుపోతోంది. ఈ సినిమాను కుటుంబంతో కలిసి తాను చూడాలనుకుంటున్నానని నటుడు మహేశ్‌బాబు(Mahesh babu) తాజాగా ట్వీట్‌ చేశాడు. ఈ సినిమా బ్లాక్‌బస్టర్‌ విజయం అందుకోవాలని కోరుకున్నాడు. దీనిపై షారూక్‌ స్పందించారు. మహేశ్‌తో కలిసి తాను కూడా సినిమాటైమ్‌ను ఎంజాయ్‌ చేయాలనుకుంటున్నట్టు షారూక్‌ చెప్పారు. 'థ్యాంక్యూ సో మచ్‌ మై ఫ్రెండ్‌. జవాన్‌ చిత్రం నీకు నచ్చుతుందని అనుకుంటున్నా. నువ్వు ఎప్పుడు ఈ సినిమా చూడాలనుకుంటున్నావో చెబితే.. నేనూ నీతో కలిసి సినిమాకి వస్తా. నీకు, నీ కుటుంబానికి నా ప్రేమపూర్వక అభినందనలు' అని షారుక్‌ ఖాన్‌ ట్వీట్‌(Tweet) చేశారు. ప్రస్తుతం ఇది సీని ప్రియుల దృష్టిని ఆకర్షిస్తోంది. షారుక్‌ఖాన్‌ - మహేశ్‌బాబు మంచి స్నేహితులనే విషయం తెలిసిందే. గతంలో బ్రహ్మోత్సవం(Brahmotsavam) సెట్‌కి షారుక్‌ ఖాన్‌ ప్రత్యేకంగా వెళ్లి మహేశ్‌ బాబును కలిశారు. కాసేపు సరదాగా మాట్లాడుకున్నారు. ఈ ఫొటోలు అప్పట్లో వైరల్‌గా మారాయి. ఇక, జవాన్‌ విషయానికి వస్తే దర్శకుడు అట్లీ - షారుఖ్‌ కాంబినేషన్‌లో రూపొందిన సినిమా ఇది! యాక్షన్‌ ఎంటర్‌టైనర్‌గా తెరకెక్కించారు. ఇందులో షారుఖ్‌ దాదాపు 7 గెటెప్స్‌లో కనిపిస్తారు. నయనతార హీరోయిన్‌గా నటించారు. దీపికా పదుకొణె అతిథి పాత్రను పోషించారు. ఇప్పటికే విడుదలైన ప్రచార చిత్రాలు సినిమాపై అంచనాలు పెంచాయి. ఈ సినిమాలో సంజయ్‌ దత్‌, విజయ్‌(Vijay), అల్లు అర్జున్‌ అతిథి పాత్రలు పోషించినట్లు తెలుస్తోంది. సినిమాలోని ఓ కీలక సన్నివేశంలో సంజయ్‌ దత్‌(Sanjay Dutt) కనిపించారట!. తమిళ వెర్షన్‌లో అదే పాత్రను విజయ్‌, తెలుగులో అల్లు అర్జున్‌(Allu arjun) పోషించారని అంంటున్నారు.

😁😁😁 Would love that! 🤗🤗🤗 https://t.co/6mJ49QuUK1

— Mahesh Babu (@urstrulyMahesh) September 6, 2023

It's time for #Jawan!!! The frenzy and power of @iamsrk are on full display!! 💥 Wishing the team an all-time blockbuster success across all markets! So looking forward to watching it with the entire family!!#Nayanthara @VijaySethuOffl @Atlee_dir @anirudhofficial…

— Mahesh Babu (@urstrulyMahesh) September 6, 2023