Latest Poster of Pushpa-2 :పుష్ప లేటెస్ట్ పోస్టర్

స్టైలిష్ స్టార్‌ అల్లు అర్జున్‌ నటిస్తున్న పాన్‌ ఇండియా సినిమా పుష్ప-2 నుంచి లేటెస్ట్ ఫొటో ఒకటి విడుదలైంది. డిసెంబర్ 5న పాన్‌ ఇండియా లెవెల్లో విడుదల కానున్న ఈ సినిమాకు సుకుమార్‌ దర్శకత్వం వహిస్తుండగా మైత్రీ మూవీ మేకర్స్‌ నిర్మిస్తున్నారు. ఈ సినిమా యూనిట్ ఇప్పటికే ఓ చిన్న టీజర్, పోస్టర్స్, పాటలు విడుదలయ్యాయి. దీంతో పుష్ప-2పై మరింత హైప్‌ వచ్చింది. సినిమా విడుదల దగ్గర పడుతుండడంతో ఈ సినిమా యూనిట్‌ అందుకు సంబంధించిన అప్‌డేట్స్‌ను వరుసగా విడుదల చేస్తున్నారు. తాజాగా ఈ సినిమాకు సంబంధించి ఓ పోస్టర్‌ను చిత్ర నిర్మాణ సంస్థ రిలీజ్‌ చేసింది. అల్లు అర్జున్, ఫహాద్ ఫాజిల్ ఎదురెదురుగా నిలుచొని ఒకరినొకరు కోపంగా చూసుకుంటున్నట్టు పోస్టర్‌లో ఉంది. త్వరలోనే ట్రైలర్‌ కూడా రాబోతుందని సమాచారం.