Adhipurush song : ట్రేండింగ్‏లో ఆదిపురుష్ జై శ్రీరాం పాట

స్టార్‌ హీరో్ ప్రభాస్‌(Prabhas) రాముడి పాత్రలో, కృతి సనన్‌(Kriti Sanon) సీత పాత్రలో నటిస్తున్న భారీ ప్రాజెక్టు ఆదిపురుష్‌(Adhipurush) షూటింగ్‌ శరవేగంగా జరుగుతోంది. ఓం రౌత్‌(Om Raut) దర్శకత్వం వహిస్తున్న ఈ సినిమా కోసం ప్రభాస్‌ ఫ్యాన్సే కాదు, చాలా మంది ఎదురు చూస్తున్నారు. ఇప్పటికే విడుదలైన సినిమా ట్రైలర్‌ చాలా మందిని ఆకట్టుకుంది. సినిమాపై భారీ స్థాయిలో అంచనాలు ఏర్పడ్డాయి. ప్రమోషన్స్‌ పనులను కూడా చిత్ర యూనిట్ మొదలు పెట్టింది. లేటెస్ట్‌గా ఐఫా అవార్డ్స్‌(IIFA Awards) ఫంక్షన్‌ లో పాల్గొన్న కృతి సనన్‌ ఈ సినిమాపై ఆసక్తికరమైన వ్యాఖ్యలు చేశారు.

'ఆదిపురుష్‌ సినిమా చాలా ప్రత్యేకమైనది. ఇంత గొప్ప చిత్రంలో నేను భాగమైనందుకు చాలా ఆనందంగా ఉంది. ఇది నాకు దక్కిన గౌరవంగా భావిస్తున్నాను. అన్ని తరాల వాళ్లు సినిమాను చూడాలి. ముఖ్యంగా చిన్నపిల్లలు కచ్చితంగా చూసి తీరాలి. మన చిన్న తనంలో రామాయణం, మహాభారతం వంటి పురాణాల్లోని కథలను మన అమ్మ, అమ్మమ్మ, నాయనమ్మలు చెబుతుంటే విన్నాం. అదే కథలను సినిమాగా చూస్తే పిల్లలపై మరింత ఎక్కువ ప్రభావం ఉంటుంది. ఈ విజువల్‌ వండర్‌ త్రీడీలో మరింత అలరిస్తుంది.

పిల్లలు కొత్త అనుభూతిని పొందుతారు. ఒక్క పిల్లలకే కాదు, యువతకు కూడా ఈ చిత్రం కనెక్ట్‌ అవుతుంది. ఆదిపురుష్‌ ట్రైలర్‌కు వచ్చిన స్పందన మాకు ఆశ్చర్యాన్ని కలిగించింది. ప్రస్తుతం సోషల్‌ మీడియాలో జై శ్రీరాం పాట మారుమోగిపోతున్నది. ఇప్పుడు సినిమాలోని రెండో పాట కోసం నేను ఆసక్తిగా ఎదురుచూస్తున్నాను. అది నాకు ఎంతో ఇష్టమైన పాట. నాకే కాదు ప్రేక్షకులకు కూడా ఇష్టమవుతుంది' అని కృతి సనన్‌ తెలిపారు. జూన్‌ 16న ఈ సినిమా ప్రేక్షకుల ముందుకు రాబోతున్నది. ఈ సినిమా ప్రీ రిలీజ్‌ ఈవెంట్‌ జూన్‌ 6వ తేదీన తిరుపతిలో గ్రాండ్‌గా జరగబోతున్నది.