Thaarak Ponnappa : కేజీఎఫ్ యాక్టర్లను దింపుతున్న కొరటాల శివ.. ‘దేవర’లో తారక్ పొన్నప్ప.. !

యంగ్ టైగర్ ఎన్టీఆర్ హీరోగా కొరటాల శివ దర్శకత్వంలో తెరకెక్కుతున్న చిత్రం దేవర (Devara). రీసెంట్‏గా ఎన్టీఆర్ బర్త్ డే రోజు చిత్రంలో ఎన్టీఆర్ (NTR) ఫస్ట్ లుక్‏ను రిలీజ్ చేశారు. ఆ పోస్టర్ ఎన్టీఆర్ ఫ్యాన్స్‏ను విపరీతంగా ఆకట్టుకుంది. తాజాగా ఈ చిత్రం నుంచి మరో అప్‏డేట్ వచ్చినట్టు తెలుస్తోంది. ఇదిలా ఉంటే కేజీఎఫ్ సినిమాతో చాలా మంది ఆర్టిస్టులకు మంచి అవకాశాలు వచ్చాయి. కేజీఎఫ్‏లో దయా (Daya) పాత్రలో నటించిన తారక్ పొన్నప్ప ఇప్పుడు జూనియర్ ఎన్టీఆర్ సినిమాలో నటించే అవకాశం దక్కించుకున్నాడట. దేవర సినిమాలో తారక్ పొన్నప్ప ప్రధాన పాత్రలో నటిస్తున్నట్టు సోషల్ మీడియాలో ఓ పోస్టర్ వైరల్ అవుతోంది. ఇప్పటికే హైదరాబాద్‏లో జరుగుతున్న షూట్‏లో వారం పాటు తారక్ పాల్గొన్నట్టు టాక్స్ వినిపిస్తున్నాయి.

అయితే ఆయన ఓ ఇంటర్వ్యూలో కొన్ని విషయాలు వెల్లడించారట. దేవర సినిమా కోసం ఆడిషన్ చేశారని.. అందులో తారక్ పొన్నప్ప (Thaarak Ponnappa) ప్రధాన పాత్ర చేస్తున్నానని.. సినిమా సెట్స్ చాలా అద్భుతంగా ఉన్నాయని చెప్పాడట. దేవర సెట్స్‏లో జూనియర్ ఎన్టీఆర్ తోపాటు ఆ సినిమాలో విలన్ అయిన సైఫ్ అలీ ఖాన్‏(Saif Ali Khan)ని కలిశాడట. కేజీఎఫ్ డైరెక్టర్ ప్రశాంత్ నీల్ సెట్స్‏కు వెళ్లాడని.. తారక్‏ని కలవడం ఆనందంగా ఉందంటున్నాడట ఈ కేజీఎఫ్ దయా.

దేవర (Devara) సినిమా ప్యాన్ ఇండియా స్థాయిలో రిలీజ్ అవుతున్న నేపథ్యంలో ఈ సినిమాపై భారీ అంచనాలు ఏర్పడ్డాయి. ఈ సినిమాలో జూనియర్ ఎన్టీఆర్ సరసన జాన్వీ కపూర్ (Janhvi Kapoor) హీరోయిన్‏గా నటిస్తోంది. వచ్చే ఏడాది ఏఫ్రిల్ 5న రిలీజ్ అవబోతున్న ఈ చిత్రం ఆడియన్స్‏కు ఎలాంటి ఎక్స్‏పీరియన్స్ ఇవ్వబోతోందో చూడాలి మరి