Jr.NTR in Tiger 3 : ఆ సినిమాతో ఎన్టీఆర్ బాలీవుడ్‌ ఎంట్రీ... వార్‌ 2 కాదు!

ఎన్టీఆర్‌(NTR) బాలీవుడ్‌లో(Bollywood) అడుగుపెడుతున్నారన్న విషయం తెలిసిందే కదా! హృతిక్‌ రోషన్‌(Hrithik Roshan) హీరోగా అయాన్‌ ముఖర్జీ రూపొందిస్తున్న వార్‌ 2(War-2) సినిమాలో తారక్‌ నటిస్తున్నారు. ఈ సినిమాతో ఆయన హిందీ రంగంలో అడుగుపెడుతున్నారు. అయితే ఈ సినిమా కంటే ముందే ఎన్టీఆర్‌ బాలీవుడ్‌లో ఎంట్రీ ఇస్తున్నారట! ఈ విషయాన్ని ముంబాయికి చెందిన మీడియా కోడై కూస్తున్నది. ఓ స్టార్‌ హీరో నటిస్తున్న సినిమాలో ఎన్టీఆర్‌ అతిథి పాత్రలో నటిస్తున్నరు. సల్మాన్‌ఖాన్‌(Salmaan Khan), కత్రినా కైఫ్‌(Katrina Kaif) హీరో హీరోయిన్లుగా నటిస్తున్న సినిమా టైగర్‌ 3(Tiger 3). టైగర్‌ జిందా హైకు సీక్వెల్‌ ఇది. దీనికి మనీశ్‌ శర్మ దర్శకుడు. ఇందులో క్లైమాక్స్‌ సన్నివేశంలో ఎన్టీఆర్‌ కనిపించనున్నారట! ఈ విషయంపై బాలీవుడ్‌ మీడియాలో ఇప్పటికే వార్తలు వచ్చాయి. దీంతో ‘వార్‌2’ కంటే ముందే ఎన్టీఆర్‌ హిందీ సినిమాలో ఎంట్రీ ఇవ్వడం ఖాయమని అభిమానులు అనుకుంటున్నారు. ఇప్పటికే టైగర్‌ 3 లో షారుక్‌(Shahrukh Khan) అతిథి పాత్రలో కనిపిస్తున్నారు. ఇప్పుడు ఎన్టీఆర్‌ కూడా అందులో నటిస్తే అది భారీ మల్టీ స్టారర్‌ అవుతుంది. దీపావళి కానుకగా టైగర్‌ 3 విడుదల కానుంది. వార్‌ 2ను తెరకెక్కిస్తున్న యశ్‌ రాజ్‌ ఫిల్మ్స్‌(Yash Raj Films) నిర్మాణ సంస్థనే టైగర్‌ 3 కూడా నిర్మిస్తోంది. ఈ చిత్ర నిర్మాతలు ఇప్పటికీ ఎన్టీఆర్‌తో చర్చలు జరిపినట్లు తెలుస్తోంది. ఇదిలా ఉంటే వార్‌ 2 సినిమా పనులు కూడా వేగంగా జరుగుతున్నాయి. ఈ మధ్యే ఎన్టీఆర్‌తో అయాన్‌ ముఖర్జీ చర్చలు జరిపారు.దీని షూటింగ్‌ నవంబర్‌లో ప్రారంభమయ్యే అవకాశాలు కనిపిస్తున్నాయి.