Janhvi Kapoor : తెలుగులో మరో ఆఫర్ కొట్టేసిన జాన్వీ.. అయ్యగారితో జోడి కట్టనున్న బ్యూటీ.. !

ఇటీవలకాలంలో స్టార్ కిడ్ అయిన అఖిల్ అక్కినేని (Akhil Akkineni) ‘ఏజెంట్’ సినిమాతో వచ్చి.. ఇటు ఆడియన్స్ నుంచి అటు క్రిటిక్స్ వరకు విమర్శలను ఎదుర్కొన్నారు. ఈ సినిమా బాక్సాఫీసు దగ్గర బొక్కబోర్లా పడటంతో మూవీ ప్రొడ్యూసర్ అనిల్ సుంకర పబ్లిక్ గానే క్షమాపణలు కోరారు. అయితే అఖిల్ నెక్ట్స్ చేయబోయే ప్రాజెక్టు గురించి అప్పుడు డిస్కషన్స్ మొదలయ్యాయి. అయ్యగారి నెక్ట్స్ మూవీ సాహో సినిమాకు అసోసియేట్ డైరెక్టర్‏గా చేసిన అనిల్ కుమార్ ( Anil Kumar) దర్శకత్వంలో ఓ చిత్రం రాబోతుందని ఓ వార్త చక్కర్లు కొడుతోంది.

ఇక తెలుగులో జూనియర్ ఎన్టీఆర్ సరసన జాన్వీ కపూర్ ( janhvi kapoor) హీరోయిన్‏గా నటిస్తున్న సంగతి మనందరికీ తెలిసిందే. కొరటాల శివ (Koratala Siva) దర్శకత్వంలో తెరకెక్కుతున్న ఎన్టీఆర్30 సినిమాతో జాన్వీ కపూర్ తెలుగు ఫిల్మ్ ఇండస్ట్రీకి పరిచయం అవుతోంది. ఈ సినిమా సెట్స్‏పై ఉండగానే ఈ బ్యూటిఫుల్ స్టార్‏కి ఇప్పుడు తెలుగులో మరో అవకాశం వచ్చింది. అక్కినేని అఖిల్ తన తాజా చిత్రంలో జాన్వీ కపూర్‏ని ఫైనల్ చేశారనే టాక్ వినిపిస్తోంది. యూవీ క్రియేషన్స్ (UV Creations) బ్యానర్ అఖిల్‏తో భారీ బడ్జెట్ సినిమాను నిర్మిస్తోంది. అయితే ఈ చిత్రానికి ‘ధీర’ అనే టైటిల్ పరిశీలినలో ఉన్నట్టు తెలుస్తోంది. ఈ సినిమాలో జాన్వీ కపూర్ హీరోయిన్‏గా నటించనుందట.

త్వరలోనే దీనికి సంబంధించిన అఫిషియల్ అనౌన్స్ మెంట్ రానున్నట్లు తెలుస్తుంది. ఇక మెగా పవర్ స్టార్ రామ్ చరణ్‏ (Ram Charan)తో బుచ్చిబాబు సానా తెరకెక్కిస్తున్న సినిమాలోనూ హీరోయిన్‏గా జాన్వీని ఫైనల్ చేసినట్టు సమాచారం. ఈ లెక్కన ఈ బాలీవుడ్ బ్యూటీకి ‘ఎన్టీఆర్30’ సినిమా విడుదలయ్యాక తెలుగులో మరిన్ని అవకాశాలు వస్తాయనడంలో ఎలాంటి సందేహం లేదని ఇండస్ట్రీలో టాక్ బలంగా వినిపిస్తోంది.