Allu Arjun - AAA Cinemas : ఈ నెల 15న అల్లు అర్జున్ మల్టీప్లెక్స్ ఓపెనింగ్.. ఫస్ట్ షో ఆ మూవీనే అట.. !

తెలుగు ఫిల్మ్ ఇండస్ట్రీలో మన అగ్రహీరోలు ఇప్పుడు థియేటర్ బిజినెస్‏పై ఫుల్ ఫోకస్ పెట్టారు. వాళ్లు ఎక్కడైతే డబ్బులు సంపాదిస్తున్నారో అక్కడే ఇన్వెస్ట్ చేస్తున్నారు. ఆల్రెడీ మహేష్‏బాబు (Mahesh Babu) ఈ థియేటర్ బిజినెస్ చేసేస్తున్నాడు. ఏషియన్ సినిమాస్‏తో కలిసి ఏఎంబీ (AMB) సినిమాస్ పేరుతో మల్టీప్లెక్స్ రన్ చేస్తున్నాడు. ఏఎంబీ సినిమాస్ ఇప్పుడు ఇండియాలో బిగ్గెస్ట్ మల్టీప్లెక్స్‏గా ఉంది. ఇక హీరో విజయ్ దేవరకొండ (Vijay Deverakonda) కూడా ఏషియన్ సినిమాస్‏తో కలిసి ఏవీడీ (AVD) సినిమాస్ పేరుతో వాళ్ల సొంతూరు అయిన మహబూబ్‏నగర్‏లో మల్టీప్లెక్స్ రన్ చేస్తున్నాడు. ఇప్పటికే బాలకృష్ణ, ప్రభాస్, వెంకటేష్ వంటి హీరోలు కూడా మల్టీప్లెక్స్ బిజినెస్‏లు చేస్తున్నారు. ఇప్పుడు తాజాగా అల్లు అర్జున్ (Allu Arjun) కూడా ఈ రంగంలోకి అడుగుపెట్టేశాడు. సినిమాల్లో ఐకాన్ స్టార్‏గా దూసుకెళ్తున్న ఈయన ఏషియన్ సినిమాస్‏తో కలిసి ఏఏఏ (AAA) సినిమాస్ మొదలుపెట్టబోతున్నాడు. ఇప్పటికే థియేటర్ నిర్మాణం అంతా పూర్తయింది. ఏషియన్ అల్లు అర్జున్ సినిమాస్ పేరుతో ఓ మల్టీప్లెక్స్ ఈ నెల 15న మంత్రి తలసానితో కలిసి అల్లు అర్జున్ ‘ఏఏఏ’ (AAA) సత్యం మల్టీప్లెక్స్ ఓపెనింగ్ చేయబోతున్నారు.

గతంలో ఏఎంబీ, ఏవీడీ మల్టీప్లెక్స్ లు వచ్చినట్టే ఇప్పుడు ఏఏఏ (AAA) పేరుతో అమీర్‏పేటలో కొత్త మల్టీప్లెక్స్ రాబోతోంది. సత్యం థియేటర్ స్థలంలోనే ఈ మల్టీప్లెక్స్ నిర్మాణం జరుగుతోంది. అల్లు అర్జున్ ఫొటోతోనే ‘ఏఏఏ’ లోగో కూడా డిజైన్ చేశారు ఏషియన్ సినిమాస్. ప్రస్తుతం ఇదే ఫొటో సోషల్ మీడియాలో వైరల్ అవుతోంది. అయితే ఏఏఏ సినిమాస్‏లో ఆదిపురుష్ (Adipurush) చిత్రం ఫస్ట్ షో పడనుందంటున్నారు. ఇక ఐకాన్ స్టార్ సినిమాల విషయానికి వస్తే.. పుష్ప బ్లాక్‏బస్టర్ తర్వాత పుష్పకు సీక్వెల్‏గా పుష్ప2 నిర్మాణం జరుగుతున్న సంగతి మనందరికీ తెలుసు. హై ఎక్స్ పెక్టేషన్స్‏తో వస్తున్న ఈ సినిమా ప్రస్తుతం షూటింగ్‏ను జరుపుకుంటోంది. రీసెంట్‏గానే ఫహద్ ఫాసిల్ (Fahadh Faasil) ఎపిసోడ్ షూట్ చేయడం కంప్లీట్ చేసినట్టు మేకర్స్ తెలిపారు. ఈ సినిమా తర్వాత మాటల మాంత్రికుడితో అల్లు అర్జున్ మరో సినిమా చేస్తున్నట్టు టాక్ వినిపిస్తోంది. అదే నిజమైతే ఈ కాంబో రిపీట్ అవడం నాలుగోసారి అని చెప్పవచ్చు. అంతేకాకుండా ఈ సినిమాలో గోల్డెన్ లెగ్‏గా పిలుస్తున్న సంయుక్త (Samyuktha)ను హీరోయిన్‏గా సెలెక్ట్ చేసినట్టు సినీ వర్గాలు అంటున్నాయి. ఇటీవలే విరూపాక్ష (Virupaksha) చిత్రంతో ఫుల్ సక్సెస్ రేసులో ఉంది ఈ బ్యూటీ. ఇక అల్లు అర్జున్, త్రివిక్రమ్ (Trivikram) సినిమాపై ఒక అఫిషియల్ అనౌన్స్‏మెంట్ రావాల్సి ఉంది.. ఆ అనౌన్స్‏మెంట్ ఎప్పుడు వస్తుందా అని ఇటు ఐకాన్ స్టార్ ఫ్యాన్స్.. అటు త్రివిక్రమ్ ఫ్యాన్స్ వెయిట్ చేస్తున్నామంటున్నారు.. ఆ అప్‏డేట్ ఎప్పుడొస్తుందో చూడాలి మరి.