Mahesh Babu-Naomi Scott : మహేశ్‌ సరసన హాలీవుడ్‌ బ్యూటీ నవోమీ స్కాట్‌!

మహేశ్‌బాబు(Mahesh babu)- రాజమౌళి(Rajamouli) కాంబినేషన్‌లో రూపొందుతున్న ప్రతిష్టాత్మక చిత్రం

ఎస్‌ఎస్‌ఎమ్‌బి 29’(SSMB 29) (వర్కింగ్‌ టైటిల్‌)పై అందరిలోనూ క్యూరియాసిటీ పెరుగుతోంది. రాజమౌళి డైరెక్షన్‌లో మహేశ్‌ నటిస్తున్న తొలి సినిమా ఇదే! ఈ సినిమా కోసం నటీనటుల ఎంపికపై ప్రత్యేక దృష్టి పెట్టారు రాజమౌళి. మన దేశానికి చెందిన నటీనటులే కాదు, హాలీవుడ్‌కు చెందిన వారిని కూడా సినిమాలో తీసుకుంటున్నారు. ఇందులో భాగంగా మహేశ్‌బాబుకి జతగా హాలీవుడ్‌ నటి నవోమీ స్కాట్‌ని(Naomi Scott) ఎంపిక చేయబోతున్నారన్న వార్త ఫిల్మ్‌నగర్‌లో వినిపిస్తోంది. ఈ సినిమాలో హీరోయిన్‌గా బాలీవుడ్‌ బ్యూటీ దీపికా పడుకొనే(deepika padukone) నటించవచ్చని ఆ మధ్య అన్నారు. ఆ తర్వాత ఇండోనేషియాకు చెందిన చెల్సియా ఇస్లాన్‌(Chelsia islan) ను తీసుకోబోతున్నారని చెప్పారు.. తాజాగా భారత మూలాలున్న నవోమీ స్కాట్‌ని ఎంపిక చేయనున్నారని అంటున్నారు. ఇంగ్లాండ్‌లో పుట్టిన నవోమి తల్లి ఉషా స్కాట్ గుజరాత్‌ నుంచి ఇంగ్లాండ్‌కు వలస వెళ్లారు. ది మార్షియన్, అల్లాద్దీన్, ఛార్లీస్‌ ఏంజెల్స్, స్మైల్, విజర్డ్స్‌ వంటి పలు సినిమాల్లో నవోమీ నటించారు. ఇప్పటికే ఆమెతో రాజమౌళి చర్చలు కూడా జరిపారట. దుర్గా ఆర్ట్స్‌ పతాకంపై కేఎల్‌ నారాయణ

నిర్మించనున్న ఈ సినిమా ప్రీ ప్రొడక్షన్‌ పనులు స్పీడ్‌గా జరుగుతున్నాయి. వచ్చే ఏడాది ఫిబ్రవరిలో షూటింగ్‌ మొదలు కానుంది.