Nidhi Aggarwal : హరిహర వీరమల్లు హీరోయిన్‌కు బంపరాఫర్‌

బెంగళూరు సోయగం నిధి అగర్వాల్‌(Nidhi Agarwal) అంటే యూత్‌లో మంచి క్రేజ్‌ ఉంది. తెలుగులో సవ్యసాచి, మిస్టర్‌ మజ్ను, ఇస్మార్ట్ శంకర్‌ వంటి సినిమాలతో ప్రేక్షకులకు చేరువయ్యింది. ప్రస్తుతం నిధి అగర్వాల్‌ పవర్‌స్టార్‌ పవన్‌ కల్యాణ్‌(Pawan kalyan) సరసన హరి హర వీరమల్లు(Hari Hara Viramallu) సినిమాలో నటిస్తున్నారు. లేటెస్ట్‌ న్యూస్‌ ప్రకారం తెలుగులో ఈ అందాలభామ మరో బంపర్‌ ఆఫర్‌ను చేజిక్కించుకున్నట్టు తెలిసింది. వివరాలలోక వెళితే యంగ్‌ రెబల్‌స్టార్‌(Prabhas) హీరోగా మారుతి(Maruthi) దర్శకత్వంలో పీరియాడిక్‌ హారర్‌ కామెడీ సినిమా రూపొందుతున్న విషయం తెలిసిందే. ఇందులో నిధి అగర్వాల్‌ను హీరోయిన్‌గా ఎంపిక చేశారని ఫిల్మ్‌ నగర్‌ టాక్‌. ఈ సినిమాకు రాజా డీలక్స్‌(Raja Delux) అనే టైటిల్‌ను అనుకుంటున్నారు. ఇంకా పేరు ఖరారు చేయలేదు. ఈ సినిమాలో ప్రభాస్‌ ద్విపాత్రాభినయాన్ని పోషిస్తున్నట్టు తెలిసింది. ప్రభాస్‌ అభిమానులు ఈ సినిమాపై ఎన్నో ఆశలు పెట్టుకున్నారు. గత సినిమాలకు భిన్నంగా ఆద్యంతం వినోదంతో ఆకట్టుకునే సినిమా అని మూవీ మేకర్స్‌ చెబుతున్నారు. ఈ సినిమా షూటింగ్‌ శరవేగంగా సాగుతోంది. తర్వలో నిధి అగర్వాల్‌ సినిమా షూటింగ్‌లో త్వరలో జాయిన్‌ కాబోతున్నట్టు తెలిసింది.