మిర్నాలిని రవి ఈ భామ ‘గద్దల కొండ గణేష్’ సినిమాతో తెలుగు ఫిల్మ్ ఇండస్ట్రీలోకి అడుగుపెట్టింది. ఆ సినిమాతో పేరు సంపాదించొచ్చన్న ఆశకాస్త పెనంమీద నీళ్లు చల్లినట్టే అయింది. అయితే అంతకముందు ఈ భామ తమిళ సినిమా ‘సూపర్ డీలక్స్’ లో గెస్ట్ రోల్ చేసింది.
ఈ భామ హీరోయిన్ గా పరిచయం అవ్వకముందు సోషల్ మీడియాలో డబ్ స్మాష్, టిక్ టాక్ వీడియోలు చేస్తుండేది. ఆ వీడియోలు చూసిన డైరెక్టర్ త్యాగరాజన్ కుమార్ రాజా ఆయన సినిమాలో నటించే అవకాశం కల్పించారు.
ఈ ముద్దుగుమ్మ 1995 మే10న పాండిచ్చేరిలో జన్మించారు. బెంగళూరులో ఇంజనీరింగ్ పూర్తి చేసిన మిర్నాలిని. IBM సాఫ్ట్ వేర్ ప్రొఫెషనల్ గా పని చేశారు.
ఇక మిర్నాలిని రవి ‘కోబ్రా’, ‘ఎనిమి’, ‘ఛాంపియన్’, ‘ఎంజీఆర్ మాగన్’, ‘జంగో’ వంటి చిత్రాల్లోనూ నటించి ప్రేక్షకులను అలరించింది. ఆమె చేతిలో ప్రస్తుతం రెండు ప్రాజెక్టులు ఉన్నాయి. ‘మామా మశ్చింద్రా’ తోపాటు ‘ఆర్గానిక్ మామ హైబ్రిడ్ అల్లు’ సినిమాలు షూటింగ్ జరుపుకుంటున్నాయి.
ఈ భామ ఫేవరెట్ డబ్ స్మాషెర్ గా 2016లో స్మైల్ సెట్టాయ్ అవార్డు కూడా గెలుచుకుంది. గద్దల కొండ గణేష్ చిత్రానికి గాను బెస్ట్ సపోర్టింగ్ యాక్టర్ గా సైమా అవార్డ్స్ కి నామినేట్ అయింది. ఇక ఎనిమీ చిత్రానికి గానూ ద రైజింగ్ స్టార్ ఆఫ్ ది ఇయర్ కేటగిరిలో షి బ్యూటీ అవార్డ్స్ 2022 గెలుచుకుంది.
మిర్నాలిని రవి సోషల్ మీడియాలో ఎప్పుడూ వార్తలోనే ఉంటున్నారు. ఈమె పోస్ట్ చేసే ఫొటోలు, వీడియోలు నిమిషాల్లోనే వైరల్ అవుతుంటాయి. అయితే రీసెంట్ గా ఈ భామ మాల్దీవ్స్ వెళ్లింది. అక్కడ బీచ్ లో ఎంజాయ్ చేసిన ఫొటోలు రిలీజ్ చేసింది.
ఈ ఫొటోలకు అభిమానులు రకరకాలు కమెంట్స్ చేస్తున్నారు. ఈ ముద్దుగుమ్మకు ఇప్పటికి ఇన్ స్టా గ్రామ్ లో 1.3 మిలియన్ల ఫాలోవర్లను సంపాదించింది. ఈమె ఇప్పటి వరకు 371 పోస్టులను షేర్ చేసింది.