Ravi Teja : భయంకరమైన గజదొంగగా రవితేజ.. టైగెర్ నాగేశ్వర్ రావు పోస్టర్ రిలీజ్.!

మాస్‌ మహారాజా రవితేజ(Ravi Teja) హీరోగా వస్తున్న చిత్రం టైగర్‌ నాగేశ్వరావు. అభిషేక్‌ అగర్వాల్ నిర్మిస్తున్న ఈ చిత్రానికి వంశీ దర్శకుడు. ఈ సినిమాకు సంబంధించి మేజిస్టిక్‌ ఫస్ట్‌లుక్‌ ప్రమో(Tiger Nageshwar Rao)షన్‌ పోస్టర్‌, వీడియోను రాజమండ్రిలో(Rajahmundry) వినూత్న పద్దతిలో విడుదల చేశారు. ఇందుకోసం మేకర్స్‌ ఓ రైలును అద్దెకు తీసుకున్నారు కూడా! టైగర్‌ నాగేశ్వరరావు సినిమా తనకు ప్రత్యేకమైనదని, దర్శకుడు వంశీ సోదరుడు లాంటి వాడని నిర్మాత అభిషేక్‌ అన్నారు.

రవితేజ కెరీర్‌లో ఇదొక డిఫరెంట్‌ సినిమా అని, ఇప్పటివరకు ఆయన చేసిన సినిమాల్లోని డిక్షన్‌, బాడీలాంగ్వేజ్‌ ఈ చిత్రంలో కనిపించదని, టైగర్‌ నాగేశ్వరరావులో కొత్త రవితేజ కనిపిస్తారని చెప్పుకొచ్చారు అభిషేక్‌. ఈ సినిమా టైగర్‌ నాగేశ్వరరావు ఒరిజినల్‌ బయోపిక్ అని అంటున్నారు దర్శకుడు వంశీ. చాలా రియల్‌గా నేచురల్‌గా, వాస్తవ సంఘటనలు ఆధారంగా చేసుకుని సినిమా వుంటుందని అంటున్నారు. ఈ రస్టిక్‌ స్టోరీలో బిగ్గెస్ట్‌ యాక్షన్‌ ఎపిసోడ్స్‌ వున్నాయని, రాజమండ్రి బ్రిడ్జ్‌ని సెట్‌ వేసి పెద్ద యాక్షన్‌ సీక్వెన్స్‌ని షూట్‌ చేశామని వంశీ తెలిపారు. తప్పకుండా ఇది రవితేజ ఫ్యాన్స్‌ ఆకలి తీర్చే సినిమాగా చెప్పుకోవచ్చని అన్నారు.