Nani Movie With Rajinikanth : రజనీకాంత్‌తో కలిసి నటించే ఛాన్స్‌ కొట్టేసిన నాని

సౌతిండియా సూపర్‌స్టార్‌ రజనీకాంత్‌(Rajinikanth) వరుస సినిమాలతో తీరిక లేకుండా ఉన్నారిప్పుడు. ఆయన నటించిన కొత్త సినిమా జైలర్‌(Jailler) త్వరలో ప్రేక్షకుల ముందుకు రాబోతున్నది. ఈ సినిమా తర్వాత ఆయన జైభీమ్‌(Jaibheem) దర్శకుడు టి.జె.జ్ఞానవేల్‌తో(TJ Gnanavel) ఓ సినిమా చేయబోతున్నారు. సామాజిక అంశాలను స్పృశిస్తూ ఈ సినిమా సాగుతుందని, యథార్థ సంఘటనల ఆధారంగా చిత్రాన్ని రూపొందిస్తున్నారని తెలిసింది. జైభీమ్‌ సినిమాను కూడా జ్ఞానవేల్‌ అలాగే తెరకెక్కించి అందరి ప్రశంసలు అందుకున్నారు. విశ్వనీయ సమాచారం ప్రకారం ఈ సినిమాలో నాచురల్‌ స్టార్‌(Nani) నాని ఓ కీలకమైన పాత్రను పోషించబోతున్నారు. నానికి కథ ఎంతగానో నచ్చిందట! పైపెచ్చు రజనీకాంత్‌ వంటి అగ్రనటుడితో కలిసి నటించే అవకాశం రావడంతో మరో మాట మాట్లాడకుండా సినిమాను ఒప్పేసుకున్నారట! మేకర్స్‌ నానిని సంప్రదించగానే ఓకే చెప్పేశారని చెబుతున్నారు. అయితే మూవీ మేకర్స్‌ నుంచి ఓ అధికార ప్రకటన వస్తే ఇందులో నిజానిజాలు తెలుస్తాయి. రీసెంట్‌గా నాని దసరా సినిమాతో భారీ విజయాన్ని సొంతం చేసుకున్నారు. ప్రస్తుతం ఆయన హాయ్‌ నాన్న(Hi Nana) అనే సినిమాలో నటిస్తున్నారు. తండ్రీ కూతురు సెంటిమెంట్‌ ప్రధానాంశంగా సినిమాను రూపొందిస్తున్నారు.