Karthi Ponniyin Selvan 2 Craze : జపాన్‌లో రజనీకే కాదు.. కార్తీకి కూడా ఫ్యాన్స్‌ ఉన్నారు..

తమిళనాడు స్టార్‌(Tamil Nadu Star) కార్తీ(Karthi)కి బోల్డంత మంది ఫ్యాన్స్‌ ఉన్నారు. నటనలో వేరియేషన్‌ను చూపించే కార్తీ పొన్నియిన్‌ సెల్వన్ సినిమాతో మంచి పేరు తెచ్చుకున్నారు. మణిరత్నం దర్శకత్వంలో వచ్చిన ఈ సినిమాలో విక్రమ్‌, జయంరవి, ఐశ్వర్యరాయ్‌, త్రిష, ఐశ్వర్య లక్ష్మి, శరత్‌కుమార్, ప్రభు, ప్రకాశ్‌రాజ్‌, విక్రమ్‌ ప్రభు వంటి ప్రముఖ తారాగణం అంతా నటించారు. వీరందరి మధ్యలో కార్తీ వాందియదేవన్‌గా తనదైన శైలిలో నటించారు. మొన్న వచ్చిన పొన్నియిన్‌ సెల్వన్‌ -2 సినిమా సూపర్‌హిట్టయింది. మద్రాస్‌ టాకీస్‌, లైకా ప్రొడక్షన్స్‌ సంయుక్తంగా నిర్మించిన ఈ సినిమాకు ఏ.ఆర్‌.రెహమాన్‌ మ్యూజిక్‌, రవి వర్మన్‌ ఫోటోగ్రఫీ అదనపు ఆకర్షణగా నిలిచాయి. రెడ్‌ జెయింట్‌ మూవీస్‌ సంస్థ గత నెల 28న ఈ సినిమాను ప్రపంచవ్యాప్తంగా విడుదల చేసింది. ఈ సినిమా జపాన్‌లోనూ విడుదలయ్యి హిట్‌టాక్‌ను సాధించింది. ఈ సినిమాను చూసిన జపాన్‌వాసులు కార్తీ నటనకు ముగ్దులయ్యారు. కార్తీని చూసేందుకు చెన్నైకు వచ్చారు. వీరు కార్తీ కోసమే ఆ సినిమాను నాలుగు సార్లు చూశారట! విషయం తెలుసుకున్న కార్తీ వారిని తన ఇంటికి పిలుపించుకున్నారు. వారితో ఆప్యాయంగా ముచ్చటించారు. ఈ సందర్భంగా కార్తీ కోసమని జపాన్‌ నుంచి ప్రత్యేకంగా తీసుకొచ్చిన కానుకలను ఆయనకు అందించారు. కార్తీతో కలిసి ఫోటోలు దిగారు. జపాన్‌లో రజనీకాంత్‌కే అనుకున్నాం.. కార్తీకి కూడా హార్డ్‌కోర్‌ ఫ్యాన్స్‌ ఉంటారని ఇప్పుడే తెలిసింది. !