Hari Hara Veeramallu: భయపడకండి.. పవన్ కళ్యాణ్ సినిమా పనులు జరుగుతూ ఉన్నాయి

పవర్ స్టార్ 'పవన్ కళ్యాణ్' హీరోగా నటిస్తూ ఉన్న సినిమా హరి హర వీర మల్లు. ఈ చిత్రం టీజర్ వచ్చి కొన్ని సంవత్సరాలు దాటింది. అయితే ఈ సినిమా ఎప్పుడు విడుదల అవుతుందా అని అందరూ ఎదురుచూస్తూ ఉన్నారు. ఈ సినిమాలో బందిపోటు పాత్రలో పవన్ కళ్యాణ్ నటిస్తూ ఉన్నారు. చాలా నెలలుగా ఈ సినిమా షూటింగ్ జరగకుండా పోవడంతో ప్రాజెక్ట్ ఆపివేశారని గుసగుసలు వినిపించాయి. అయితే ఈ సినిమా ట్రాక్‌లోనే ఉందని అభిమానులకు భరోసా ఇస్తూ ప్రొడక్షన్ టీమ్ తాజాగా ట్వీట్‌ చేసింది. "ప్రస్తుతం కెనడా, ఇరాన్, హైదరాబాద్, చెన్నై, బెంగుళూరు వంటి ప్రదేశాలలో హై-ఎండ్ VFX పనులు జరుగుతున్నాయి" అని ట్వీట్ పేర్కొంది. హరిహర వీరమల్లు సినిమా నుండి ఒక ప్రత్యేక ప్రోమో అతి త్వరలోనే మీ ముందుకు రాబోతోందని చిత్ర యూనిట్ చెబుతూ ఉంది.

ఈ చిత్రం విడుదల తేదీ ఎప్పుడనే విషయం ఇంకా తెలియలేదు. ఫస్ట్ లుక్ డ్రాప్ నుండి సినిమా కోసం ఆసక్తిగా ఎదురుచూస్తున్న అభిమానులకు, తెలుగు సినిమా ప్రేమికులకు చాలా బాధ కలిగించే విషయం. ఈ చిత్రానికి క్రిష్ జాగర్లమూడి దర్శకత్వం వహిస్తుండగా, మెగా సూర్య ప్రొడక్షన్ బ్యాంక్ రోల్ చేస్తోంది. ఆస్కార్ విజేత ఎంఎం కీరవాణి ఈ చిత్రానికి సంగీతం సమకూరుస్తున్నారు. నిధి అగర్వాల్ కథానాయికగా నటిస్తోంది.