Manchu Vishnu : మంచు విష్ణు మంచి మనసు

మంచు విష్ణు తన కుమార్తె ఐరా విద్యా బర్త్‌డే సందర్భంగా మూవీ ఆర్టిస్ట్ అసోసియేషన్ (మా)కి పది లక్షల రూపాయలు విరాళంగా ఇచ్చారు. అసోసియేషన్‌లో ఆర్థికంగా వెనుకబడిన కళాకారుల సంక్షేమం కోసం పది లక్షలు విరాళంగా అందించినట్లు తెలిపారు. కళాకారులకు సహాయం చేయడం, వారికి అవసరమైన మద్దతు కోసం ఈ మొత్తాన్ని వెచ్చించనున్నారు.

విష్ణు మంచు ప్రస్తుతం ‘కన్నప్ప’ చిత్రం పై దృష్టి పెట్టారు. ఈ సినిమా డిసెంబర్ 2024లో విడుదల కానుంది. ఇటీవల సోషల్ మీడియాలో సినిమా అవుట్ పుట్ గురించి విమర్శలు చేయగా.. వారిపై స్ట్రైకింగ్ వేస్తున్నారని యూట్యూబర్లు సంచలన ఆరోపణలు చేశారు. అయితే ఆ స్ట్రైక్ మీద తమకు ఎలాంటి సంబంధం లేదని మంచు విష్ణు ప్రొడక్షన్ టీమ్ క్లారిటీ ఇచ్చింది. నటులు, వారి కుటుంబాలను లక్ష్యంగా చేసుకుని కొంతమంది యూట్యూబర్‌లు పోస్ట్ చేసిన అసభ్యకరమైన, అవమానకరమైన కంటెంట్‌ను తీసి వేయించడంపై దృష్టి పెట్టామని మంచు విష్ణు తెలిపారు.