Double Ismart: పుష్ప-2 పోయింది.. డబుల్ ఇస్మార్ట్ వచ్చింది

అల్లు అర్జున్-సుకుమార్ కాంబినేషన్ లో వస్తున్న పుష్ప- 2 సినిమా విడుదల వాయిదా పడింది. గత కొద్దిరోజులుగా పుష్ప-2 సినిమా విడుదల అనుకున్న సమయానికి జరగడం లేదనే ప్రచారం సాగింది. అనుకున్నట్లుగానే వేరే సినిమాలు పుష్ప-2 రిలీజ్ డేట్ న రాబోతూ ఉండడంతో ఇక వాయిదా పడినట్లుగా అధికారిక ప్రకటన రావడమే తరువాయి అని అంటున్నారు. సుకుమార్ దర్శకత్వం వహిస్తున్న ఈ సినిమా ఈ ఏడాది స్వాతంత్ర్య దినోత్సవం రోజున ప్రేక్షకుల ముందుకు రావలసి ఉంది. కానీ ప్రొడక్షన్ పనుల ఆలస్యం కారణంగా, మేకర్స్ సినిమా రిలీజ్ ను వాయిదా వేయాలని నిర్ణయించుకున్నారు.