Rajamouli : మహేష్‌బాబూ నువ్వు సింహంలాంటోడివి

మహేష్ బాబు(Mahesh babu) రాజమౌళి(Rajamaouli) త్వరలో సినిమా చేయబోతున్న విషయం తెలిసిందే. మహేష్‌బాబు, రాజమౌళి కాంబినేషన్‌లో తొలి సినిమా కావడంతో సినీ ఇండస్ట్రీలో ఆసక్తి రేగుతోంది. రాజమౌళి నెక్స్ట్ సినిమా కావడంతో ప్రపంచవ్యాప్తంగా ఈ సినిమా కోసం ఎదురుచూస్తుంది. ఇప్పటికే మహేష్ బాబు రాజమౌళి సినిమా కోసం ఫుల్‌గా జుట్టు, గడ్డం పెంచేసి రెడీ అవుతున్నాడు. ఈ సినిమా ప్రీ ప్రొడక్షన్ స్క్రిప్ట్ వర్క్ పూర్తి చేయడంతో లొకేషన్స్ వెతికే పనిలో రాజమౌళి ఉన్నారు. ఈ సినిమా అడ్వెంచర్ యాక్షన్ డ్రామా అని, అడవుల నేపథ్యంలో ఉంటుందని, ఇండియానా జోన్స్ తరహాలో ఉంటుందని గతంలో రాజమౌళి కూడా వెల్లడించారు. సోషల్‌ మీడియాలో రాజమౌళి పోస్టు ట్రెండింగ్‌గా మారింది. సింహం ఫొటో ఎదురుగా నిలబడిన రాజమౌళి.. దాన్ని క్యాప్చర్‌ చేసి.. మహేష్‌బాబుకు ట్యాగ్‌ చేశారు. మహేష్‌బాబు కూడా ఎమోజీతో రిప్లై ఇస్తూ ఆనందం వ్యక్తం చేశారు. సోషల్‌ మీడియాలో ఇది ఇప్పుడు వైరల్‌గా మారింది