Polimera 3 : గుండెలు జాగ్రత్త...! పొలిమేర 3 వచ్చేస్తోంది...!

తెలుగులో హారర్‌ సినిమాలు(Horror movies) తక్కువే! ఇప్పుడొస్తున్న సినిమాల్లో కామెడీ పాలు ఎక్కువ, హారర్‌ కంటెంట్‌ తక్కువగా ఉంటోంది. కానీ ఈ మొనోటామిని బ్రేక్‌ చేసిన సినిమా మా ఊరి పొలిమేర! ఈ సినిమాకు విపరీమైన క్రేజ్‌ వచ్చింది. నేరుగా ఓటీటీ ప్లాట్‌ఫామ్‌ అయిన డిస్నీ హాట్‌స్టార్‌లో(Hotstar) ఈ సినిమా స్ట్రీమింగ్ అయ్యింది. ఈ సినిమాకు భారీ స్పందన రావడంతో దీనికి సీక్వెల్‌గా పొలిమేర 2ను తీశారు దర్శక నిర్మాతలు. అయితే పొలిమేర 2(Polimer 2) మాత్రం థియేటర్లలో వచ్చింది. ఇది కూడా సూపర్‌ హిట్టయ్యింది. కేవలం మూడు కోట్ల రూపాయలతో తీసిన ఈ సినిమా 15 కోట్ల రూపాయలను సంపాదించింది. పొలిమేర 2కి కూడా సీక్వెల్ ఉంటుదనే హింట్‌తో సినిమాను ముగించాడు దర్శకుడు. పొలిమేర 3 కూడా ఉంటుందని ఆ సినిమా ప్రమోషన్స్ సమయం నిర్మాతలు చెప్పారు. చెప్పినట్టుగానే పొలిమేర 3 తీశారు. ఇప్పుడు గ్లింప్స్ విడుదల చేశారు. పొలిమేర 2 క్లైమాక్స్‌లో నటుడు బబ్లూ పృథ్వీరాజ్ చెప్పే లెట్స్ బిగిన్ ది షో అనే డైలాగ్‌తో పొలిమేర 3 గ్లింప్స్ రిలీజ్ ప్రారంభం అయి క్యూరియాసిటీ పెంచింది. పాన్‌ ఇండియా స్థాయిలో తీసిన మూడో పార్ట్‌కు కూడా డాక్టర్‌ అనిల్‌ విశ్వనాథే దర్శకత్వం వహించాడు. వంశీ నందిపాటి నిర్మాతగా, భోగేంద్ర గుప్తా సహా నిర్మాతగా వ్యవహరిస్తున్నారు.