Chiyaan Vikram : చియాన్ విక్రమ్‏కి ప్రమాదం.. విరిగిన రెండు పక్కటెముకలు..

తమిళ స్టార్ హీరో(Tamil Star Hero) చియాన్ విక్రమ్(Chiyaan Vikram)‏కి షూటింగ్‏లో ప్రమాదం జరిగింది. తంగలాన్ సినిమా షూటింగ్ ఈ ప్రమాదం జరిగినట్టు తెలుస్తోంది. ఈ ప్రమాదంలో విక్రమ్ తీవ్రంగా గాయపడ్డారట. దీంతో విక్రమ్‏ను వెంటనే స్థానిక ఆసుపత్రికి తరలించారు మూవీ టీమ్. విక్రమ్‏కి వైద్య పరీక్షలు నిర్వహించిన డాక్టర్లు ఆయన రెండుపక్కటెముకలు విరిగాయని తెలిపారు.. వెంటనే ఆపరేషన్ కూడా చేయాలని సూచించారు. విక్రమ్ కు ప్రమాదం జరిగిందన్న వార్త తెలుసుకున్న అభిమానులు ఆందోళనకు గురయ్యారు.. విక్రమ్ తాజాగా నటించిన సినిమా పొన్నియన్ సెల్వన్-2.. ఇది ఇటీవలే థియేటర్లో విడుదలై హిట్‏తో నడుస్తుంది.. విక్రమ్ కు ఇలా జరగడంతో ఒక్కసారిగా ఇటు అభిమానులు.. అటు తమిళ సినిమా నటులు విచారం వ్యక్తం చేస్తున్నారు.