Silk Smitha Biopic : సిల్క్‌ స్మిత బయోపిక్‌... ఎవరా లక్కీ హీరోయిన్‌?

ఒకప్పటి అందాల నటి సిల్క్‌ స్మిత(Silk smitha) జీవితం ఆనందవిషాదాల సమ్మేళనం! ఆ అభినయతారకు ఎంతో మంది అభిమానులు! ఆమె మరణించి సుమారు నాలుగు దశాబ్దాలు అవుతున్నా గుండెల్లో పదిలంగా పెట్టుకున్నవారు ఎందరో ఉన్నారు. ఆమె జీవితాన్ని ఆధారంగా చేసుకుని మరో బయోపిక్‌(BIOPIC) రాబోతున్నది. పాన్‌ ఇండియా(Pan India Movie) లెవల్లో తెరకెక్కుతున్న ఈ సినిమా ఫస్ట్‌లుక్‌ను(First Look) స్మిత బర్త్‌డే సందర్బంగా రిలీజ్‌ చేశారు మేకర్స్‌. ఇందులో ఇండియన్‌ ఆస్ట్రేలియన్‌ నటి చంద్రికా రవి(Chandrika Ravi) ప్రధాన పాత్రలో నటిస్తున్నారు. జయరామ్‌(Jayaram) అనే నూతన దర్శకుడు ఈ సినిమాను తీర్చిదిద్దుతున్నారు. సిల్క్‌ స్మిత ది అన్‌టోల్డ్‌ స్టోరీ పేరుతో చిత్రాన్ని నిర్మిస్తున్నారు. ఫస్ట్‌లుక్‌ పోస్టర్‌లో చంద్రిక రవి అచ్చంగా సిల్క్‌ స్మితలాగే కనిపించారు. ప్రస్తతం షూటింగ్‌ స్టేజ్‌లో ఉన్న ఈ సినిమా వచ్చే ఏడాది ప్రేక్షకుల ముందుకు రాబోతున్నది. తాజాగా విడుదలైన పోస్టర్‌ అందరినీ ఆకట్టుకుంటోంది. చంద్రికా రవి గతంలో పలు తమిళ సినిమాల్లో నటించారు. బాలకృష్ణ నటించిన వీరసింహారెడ్డిలో ఓ పాటలో మెరిశారు. ఇంతకు ముందు సిల్క్‌ స్మిత జీవితాన్ని ఆధారం చేసుకుని బాలీవుడ్‌లో డర్టీ పిక్చర్‌ పేరుతో ఓ సినిమా తీశారు. విద్యాబాలన్‌ ప్రధానపాత్రలో నటించిన ఈ సినిమా సూపర్‌ సక్సెస్‌ అయ్యింది. ఇందులో నటించిన విద్యాబాలన్‌కు జాతీయ పురస్కారం లభించింది.