Boycott Pushpa 2 : బాలీవుడ్‏పై శివాలెత్తుతున్న బన్నీ ఫ్యాన్స్.. !

ఐకాన్ స్టార్ అల్లు అర్జున్ పుష్ప: ది రైజ్(Pushpa: The Rise) ఎంత పెద్ద హిట్ అయిందో మనందరికీ తెలిసిందే. పుష్ప2 షూటింగ్ మొదలవ్వకు ముందు నుంచే ఈ సినిమాపై హై ఎక్స్ పెక్టేషన్స్ ఒచ్చేశాయి. సినిమా షూటింగ్ మొదలైనప్పటి నుంచి ఆ ఎక్స్‏పెక్టేషన్స్ మరింత పెరిగాయి. ఈ సీక్వెల్ కోసం సినీ ప్రేమికులు ఆసక్తిగా ఎదురుచూస్తున్నారు. ఇదిలా ఉంటే ఐకాన్ స్టార్ (Icon star) పుట్టిన రోజుకు ఒక రోజు ముందు విడుదల చేసిన టీజర్, పోస్టర్‏తో కొత్త ఉత్సాహాన్ని నింపారంటున్నారు ఫ్యాన్స్.

ఈ సినిమాకి సంబంధించి కొంతమేరకు షూటింగ్‏ను ఒడిశాలోని మల్కన్ గిరిలో ప్లాన్ చేసినట్టు తెలుస్తోంది. సౌత్‏లో పుష్ప2 (Pushpa 2: The Rule) సినిమా షూటింగ్ ఒడిశాలో జరగడం ఇదే మొదటిసారి. ఇప్పటికే పుష్ప2 లో అల్లు అర్జున్ (Allu Arjun) లుక్ చూసి చాలా మంది వావ్ (Wow) అంటున్నారు. అయితే ఈ క్రమంలోనే బాలీవుడ్ (Bollywood) ఇండస్ట్రీ స్టార్ హీరోలకు వెన్నులో వణుకు మొదలైనట్టు కనిపిస్తోంది. బన్నీ నటిస్తున్న పుష్ప-2 ది రూల్ ‏(Pushpa 2: The Rule) చిత్రాన్ని బాయ్ కాట్ చేయాలని హ్యాష్ ట్యాగ్‏ని ట్రెండ్ చేస్తున్నారు.

బాలీవుడ్ మీడియా మొత్తం కూడా ఈ చిత్రాన్ని బాయ్ కాట్ చేయాలని డిమాండ్ చేస్తున్నారట. అందుకు మెయిన్ కారణం అమ్మవారి అవతారంలో కనిపించిన బన్నీ లుక్‏లో చేతిలో గన్ ఉంటుంది. పోస్టర్‏తో గన్ కల్చర్ ని అల్లు అర్జున్ (Allu Arjun) ఎంకరేజ్ చేస్తున్నాడని.. ఇది పైకి కనిపించే కారణం అయితే.. కనిపించని కారణం సౌత్‏పై కాస్త వివక్ష చూపుతున్నారనేది రెండో వాదన. ఈ విషయంపై ఇటు బన్నీ అభిమానులు అటు సినీ అభిమానులు మండిపడుతున్నారు.

‘‘శత్రుసంహారం కోసం దేవుళ్లు, దేవతలు ఆయుధాలు పట్టారు’’. అలానే ఈ తుపాకీ కూడా ఒకటి.. ప్రతీదాన్ని కాంట్రవర్సీ చేయడం మానుకోండని.. మీకు దమ్ముంటే బన్నీ రికార్డులను బద్ధలు కొట్టండి.. లేదంటే సైలెండ్‏గా ఉండండంటూ.. ఘాటుగా రియాక్ట్ అవుతున్నారు. మరికొంత బాలీవుడ్ స్టార్స్‏కు బన్నీ (Bunny) రికార్డులను తిరగరాయడం చేతకాకనే ఇలా బన్నీ సినిమాలను బాలీవుడ్‏లో విడుదల కాకుండా చేస్తున్నారని ఫైర్ అవుతున్నారు.

బాలీవుడ్‏లో ఈ సినిమాపై నెగిటివ్ ప్రచారం జరుగుతోంది. దీంతో అల్లు అర్జున్ (Allu Arjun) డై హార్ట్ ఫ్యాన్స్ మాత్రం ఒంటికాలుమీద నిల్చుని శివాలెత్తుతున్నారు. బాలీవుడ్‏లో మగాళ్లు లేరా.. ? అంటూ చాలా ఘాటుగానే కౌంటర్లు ఇచ్చేస్తున్నారు. దీంతో సినిమా రిలీజ్ ముందే సోషల్ మీడియాలో బన్నీ పేరు మారుమోగుతోంది.. ఈ విషయంపై బాలీవుడ్ స్టార్ హీరోలు ఎలా రియాక్ట్ అవుతారో చూడాలి మరి.