Sanjay Dutt Injured During Shoot : కన్నడ మూవీ షూటింగ్‏లో ప్రమాదం.. సంజయ్ దత్ తలకు గాయాలు.. !

ధృవ సర్జా ( Dhruva Sarja) హీరోగా నటిస్తున్న కన్నడ చిత్రం కేడీ (KD) సెట్స్‏లో సంజయ్ దత్‏‏(Sanjay Dutt)కు ప్రమాదం జరిగింది. బాంబ్ బ్లాస్ట్ ఫైట్ సీన్స్‏ను షూట్ చేస్తుండగా.. బాంబ్ పేలి సంజయ్ (Sanjay) తలకు, ముఖానికి, మోచేతికి గాయాలయ్యాయి. ప్రమాదం జరిగిన తర్వాత చాలా సేపు షూటింగ్ నిలిపివేశారు. ప్రమాదానికి గల పూర్తి వివరాలు తెలియాల్సి ఉంది. ఈ ఘటన బెంగళూరులోని మాగడి రోడ్డులో జరిగింది.

అదృష్టవశాత్తు సంజయ్ దత్‏(Sanjay Dutt) పెద్ద ప్రమాదం నుంచి బయటపడ్డాడు. కేడీ:ది డెవిల్ (KD- The Devil) చిత్రంలో సంజయ్ దత్ (Sanjay Dutt) విలన్‏గా నటిస్తున్నారు. ఇంట్రెస్టింగ్ న్యూస్ ఏంటటే ఈ సినిమాతో శాండల్ వుడ్‏లోకి శిల్పాశెట్టి (Shilpa Shetty) కూడా రీఎంట్రీ ఇస్తోంది. ఈ సినిమాలో ఆమె సత్యవతి క్యారెక్టర్‏లో కనిపించనుంది.

యశ్ హీరోగా నటించిన కేజీఎఫ్-2 (K.G.F-2) చిత్రంలో అధీరా క్యారెక్టర్‏లో సంజయ్ దత్ కనిపించారు. సంజయ్ నటనకు అందరూ ఫిదా అయ్యారు. అయితే ప్రేమ్ (Prem) దర్శకత్వం వహిస్తున్న ఈ సినిమాను హిందీ, తెలుగు, తమిళం, మలయాళం, కన్నడ భాషల్లో విడుదల కానుంది.