Bhagavanth Kesari : ముగింపు దశకు వచ్చిన భగవంత్‌ కేసరి చిత్రీకరణ

వీరసింహారెడ్డి వంటి సూపర్‌ హిట్‌ను అందించిన బాలకృష్ణ(Balakrishna) ఇప్పుడు భగవంత్‌ కేసరిగా(Bhagavanth Kesari) ప్రేక్షకుల ముందుకు రాబోతున్నారు. అనిల్‌ రావిపూడి(anil ravipudi) దర్శకత్వం వహిస్తున్న ఈ సినిమాను సాహు గారపాటి, హరీష్‌ పెద్దిలు సంయుక్తంగా నిర్మిస్తున్నారు. ఇందులో బాలకృష్ణకు జోడిగా కాజల్‌(Kajal aggarwal) నటిస్తున్నారు. మరో ముఖ్య పాత్రలో శ్రీలీల(sreeleela) నటిస్తున్నారు. అర్జున్‌ రాంఫాల్‌ కీలక పాత్రలో కనిపించబోతున్నారు. ముగింపు దశలో ఉన్న ఈ సినిమా చిత్రీకరణ ప్రస్తుతం మారేడుమిల్లిలో జరుగుతోంది. బాలకృష్ణపై ఓ భారీ ఫైటింగ్‌ సన్నివేశాలను తెరకెక్కిస్తున్నట్లు సమాచారం. దీనికి వి.వెంకట్‌ నేతృత్వం వహిస్తున్నారు. ఈ వారంలోనే ఆ షెడ్యూల్‌ ముగించి.. వెంటనే రామోజీ ఫిల్మ్‌ సిటీలో కొత్త షెడ్యూల్‌ను ప్రారంభించబోతున్నారు. బాలకృష్ణ మార్క్‌ యాక్షన్‌ అంశాలతో పాటు అనిల్‌ శైలి వినోదాలు ప్రేక్షకులను అలరిస్తాయని మేకర్స్‌ అంటున్నారు. మాస్‌ యాక్షన్‌ ఎంటర్‌టైనర్‌గా ఈ చిత్రాన్ని ముస్తాబు చేస్తున్నారు. ఈ సినిమా దసరా సందర్భంగా అక్టోబరు 19న ప్రేక్షకుల ముందుకు రానుంది. ఈ చిత్రానికి తమన్‌ సంగీతాన్ని అందిస్తున్నారు.