Rajinikanth 170th Movie : రజనీకాంత్‌ మూవీలో నానితో పాటు అమితాబ్‌, ఫహాద్‌ ఫాజిల్‌

జై భీమ్‌(Jai Bheem) సినిమాతో దేశవ్యాప్తంగా గుర్తింపు పొందిన దర్శకుడు టీజే జ్ఞానవేల్‌(TJ Gnanavel). జై భీమ్‌ సినిమా ప్రతి ఒక్కరిని కదిలించింది. సామాజిక సందేశంతో తెరకెక్కించిన ఈ సినిమా విమర్శకుల ప్రశంసలు కూడా అందుకుంది. ఆ సమయంలో అందరి దృష్టి ఒక్కసారిగా జ్ఞానవేల్‌పై పడిండి. జై భీమ్‌ తర్వాత జ్ఞానవేల్‌ రూపొందిస్తున్న సినిమాలో సూపర్‌స్టార్‌ రజనీకాంత్‌ హీరోగా నటించబోతున్న విషయం తెలిసిందే. లైకా ప్రొడక్షన్స్‌ సంస్థ ఈ సినిమాను నిర్మించనుంది. రజనీకాంత్‌(Rajinikanth) నటిస్తున్న 170వ సినిమా ఇది! మరికొద్ది రోజుల్లో ఈ సినిమా సెట్స్‌ మీదకు వెళ్లనుంది. నాచురల్ స్టార్‌(nani) నాని కూడా ఈ సినిమాలో ఓ కీలక పాత్ర పోషిస్తున్నాడు. అలాగే బిగ్‌బి అమితాబ్‌ బచ్చన్‌(Amitabh bachchan), మలయాళ నటుడు ఫహాద్‌ ఫాజిల్‌(Fahad fazil) వంటి అగ్ర నటులు కూడా ఈ సినిమాలో భాగం కాబోతున్నారు. ఇప్పటికే ఈ సినిమా తాలూకు లుక్‌ టెస్ట్‌ను రజనీకాంత్‌ పూర్తి చేశారట! ఈ సినిమాలో సామాజిక సమస్యలపై పోరాడే యోధుడుగా రజనీకాంత్‌ కనిపించబోతున్నారని సమాచారం. సమకాలీన రాజకీయ, సామాజిక అంశాలతో పవర్‌ఫుల్‌ సోషల్‌ డ్రామాగా దర్శకుడు టీజే జ్ఞానవేల్‌ ఈ చిత్రాన్ని తీర్చిదిద్దుతున్నారు. ప్రస్తుతం జ్ఞానవేల్ ఆ పనుల్లో ఉన్నారట! రజనీకాంత్‌ లేటెస్ట్‌ సినిమా జైలర్‌ ఈ నెల 10వ తేదీన విడుదల కానుంది.