Allu Arjun : మీ ప్రేమకు తలవంచాను..పాట్నా ప్రజలకు థాంక్స్ చెప్పిన అల్లు అర్జున్

పుష్ప2(Pushpa-2) ప్రీ రిలీజ్ ఈవెంట్(Pre release event) బీహార్(Bihar) రాజధాని పాట్నాలో(Patna) ఘనంగా జరిగింది. ఈ సందర్భంగా ఐకాన్ స్టార్ అల్లు అర్జున్(Allu arjun) బీహార్ ప్రజలకు ధన్యవాదాలు తెలిపాడు.

'బీహార్‌ ప్రజలకు నా ప్రణామాలు. ఎక్కడా తగ్గని పుష్పరాజ్‌ మీ ప్రేమకు తలొంచాడు. థ్యాంక్యూ పాట్నా. దేశవ్యాప్తంగా ప్రేక్షకులు ఆసక్తిగా ఎదురుచూస్తున్న సినిమా ‘పుష్ప 2’. ఆ స్థాయిలో ప్రేక్షకులు ఈ సినిమాను సొంతం చేసుకున్నారు. డిసెంబర్‌ 5వ తేదీన సినిమా విడుదల కానుంది. మీ అంచనాలను మించి సినిమా ఉంటుంది' అని అల్లు అర్జున్‌ వినాయపూర్వకంగా తెలిపాడు. మూడేళ్ల కిందట క విడుదలై, దేశవ్యాప్తంగా భారీ విజయాన్ని అందుకున్న “పుష్ప’ సినిమాకు సీక్వెల్‌గా పుష్ప 2 రూపొందిన విషయం తెలిసిందే. సుకుమార్‌ దర్శకత్వంలో మైత్రీ మూవీమేకర్స్‌(Mytri movie makers) పతాకంపై నవీన్‌ యర్నేని, వై.రవిశంకర్‌ నిర్మించారు. బీహార్‌ రాజధాని పట్నాలో ఆదివారం ఈ సినిమా ప్రీ రిలీజ్‌ ఈవెంట్‌ వైభవంగా జరిగింది. ఈ వేడుకలోనే ‘పుష్ప 2’ ట్రైలర్‌ని(Tarilers) లాంచ్‌ చేశారు. ఈ సందర్భంగా హీరోయిన్ రష్మిక మాట్లాడుతూ ‘మీప్రేమను జీవితంలో మరిచిపోలేను. మీ అందరి అంచనాలను మించేలా సినిమా ఉంటుంది. డిసెంబర్‌ 5 కోసం మీలాగే నేనూ ఆతృతగా ఎదురుచూస్తున్నా. ఐలవ్యూ పాట్నా..’ అని అన్నారు. ఇంకా నిర్మాతలు నవీన్‌ యర్నేని, వై.రవిశంకర్‌ కూడా ఈ కార్యక్రమంలో పాల్గొన్నారు.

‘ఎవడ్రా వీడు.. డబ్బంటే లెక్కలేదు.. పవర్‌ అంటే భయంలేదు..’ అనే జగపతిబాబు డైలాగ్‌తో పుష్ప 2 ట్రైలర్‌ మొదలైంది. ట్రైలర్‌ మొత్తం యాక్షన్‌ మోడ్‌లో సాగింది. డాన్‌గా మారిన పుష్పరాజ్‌ ఈ ట్రైలర్‌లో కనిపిస్తాడు. భన్వరాల్‌ షకావత్‌గా ఫహాద్‌ ఫాజిల్‌ పాత్ర అత్యంత శక్తిమంతంగా ట్రైలర్‌లో చూపించారు. అంతేకాక, పుష్పరాజ్‌, శ్రీవల్లీల దాంపత్యం నేపథ్యంలో వచ్చే సన్నివేశాలు కూడా ఆకట్టుకునేలా ఉన్నాయి. మొత్తంగా మాస్‌ ఆడియన్స్‌ మెచ్చేలా ట్రైలర్‌ ఉంది.