Allu Arjun Daily Routine : ఇండియాలో ఫ్యాన్స్‌కు డిఫరెంట్‌గా ఉంటారు

జాతీయ ఉత్తమ నటుడు పురస్కారాన్ని(Best Actor Award) అందుకున్న స్టయిలిష్‌ స్టార్‌ అల్లు అర్జున్‌(Allu Arjun) తన ఫ్యాన్స్‌కు బిగ్‌ సర్‌ప్రైజ్‌ ఇచ్చారు. తన దినచర్య ఎలా మొదలవుతుందో చెప్పడంతో పాటు పుష్ప 2(Pushpa-2)సినిమాకు సంబంధించిన మేకింగ్‌ వీడియోను(Making Video) ఇన్‌స్టాగ్రామ్‌లో షేర్‌ చేశారు. ఇందులో తన అభిమానుల గురించి చెప్పిన అల్లు అర్జున్‌ తనకు పుష్ప సినిమా ఎంతో ప్రత్యేకమైనదని అన్నారు. ప్రస్తుతం రామోజీ ఫిల్మ్‌ సిటీలో పుష్ప 2 షూటింగ్‌ జరుగుతోంది. పుష్ప 2 సెట్స్‌ను అభిమానులకు చూపించిన అల్లు అర్జున్‌ 'ఇతర దేశాలలో కంటే ఇండియాలో అభిమానులు చాలా భిన్నంగా ఉంటారు. వారి ప్రేమను వివరించడం చాలా కష్టం. పుష్ప 2 షూటింగ్‌ జరుగుతున్న సమయంలో నా కోసం ఎంతో మంది అభిమానులు వచ్చారు. వీరి ప్రేమ నన్ను సరిహద్దులు అధిగమించేలా చేస్తోంది. నన్ను చూసి వారు గర్వపడేలా ఉంటాను. పుష్ప 2 నా 20వ సినిమాగా తెరకెక్కుతోంది. ఇక పుష్పలో నాకు అన్నిటికంటే నచ్చింది ఏదైనా ఉందంటే అది పుష్పరాజ్‌ పాత్రే. అతడు దేనికీ వెనకడుగు వేయడు' అని ఇన్‌స్టాలో రాసుకొచ్చారు. ఇంకా ఈ వీడియోలో చిత్ర దర్శకుడు సుకుమార్‌ కూడా మట్లాడారు. పుష్ప 2 సినిమా తనకెంతో ప్రత్యేకమైనదని, షూటింగ్‌ను ఎంతో ఎంజాయ్ చేస్తున్నానని అన్నారు. నిన్న సాయంత్రం తన ఇన్‌స్టాగ్రామ్‌లో సర్‌ప్రైజ్‌ ఇవ్వనున్నట్టు అల్లు అర్జున్‌ ఓ పోస్టు పెట్టారు. అప్పటి నుంచే అభిమానులు దాని కోసం ఆసక్తిగా ఎదురుచూశారు. లేటెస్ట్‌గా పంచుకున్న ఈ వీడియోతో ఫ్యాన్స్‌ అంతా సంతోషపడుతున్నారు.