Akanksha Sharma : ఆషికీ 3లో కార్తిక్‌ ఆర్యన్‌ సరసన నటించే ఛాన్స్‌ కొట్టేసిన ఆకాంక్ష

సత్యప్రేమ్‌ కీ కథా చిత్రంతో ప్రేక్షకుల ముందుకొచ్చిన కార్తిక్‌ ఆర్యన్‌(Karthik Aaryan) ప్రస్తుతం ఆషికీ 3లో(Aasjiqui 3) నటిస్తున్నారు. 2013లో విడుదలైన ఆషికీ 2 సక్సెస్‌ అయ్యింది. అందులో పాటలు ఇప్పటికీ వినిపిస్తున్నాయి. పాటల కారణంగా ఆ సినిమా హిట్టయ్యిందంటే అతిశయోక్తి కాదు. ఆ సినిమాకు సీక్వెల్‌గా నిర్మిస్తున్న ఆషికీ 3 చిత్రాన్ని అనురాగ్‌ బసు(Anurag Basu) తెరకెక్కిస్తున్నారు. ఆషికీ ఫ్రాంఛైజీలో రానున్న ఈ మూడవ భాగంలో హీరో పాత్రకు కార్తిక్‌ ఆర్యన్‌ ఎంపికయ్యారు బాగానే ఉంది. మరి హీరోయిన్‌ ఎవరన్నదే ఆసక్తిగా మారింది. ఆకాంక్ష శర్మను(Akansha Sharma) హీరోయిన్‌గా ఎంపిక చేయాలని చిత్రబృందం అనుకుంటోందట!

ఈ క్రమంలో ఆమెతో చర్చలు కూడా జరిపారట! ఈ రొమాంటిక్‌ ప్రేమకథలో ఆమె హీరోయిన్‌గా ఎంపికయ్యే అవకాశాలు ఎక్కువగా ఉన్నాయి. ఈ సినిమాతో కొత్త నటిని సినీ పరిశ్రమకు పరిచయం చేసేందుకు సన్నాహాలు చేస్తున్నారనే టాక్ కూడా వినిపిస్తోంది. ఈ ప్రాజెక్టు కోసం కార్తిక్‌ ఆర్యన్‌ సరసన నటించడానికి కత్రినా కైఫ్‌, దీపికా పదుకొణె లాంటి అగ్రకథానాయికల పేర్లను చిత్రనిర్మాతలు పరిశీలించారు కానీ ఆయనతో ఇంతకు ముందు కలిసి పనిచేయని నటి కోసం వెతుకున్న సమయంలో ఆకాంక్ష పేరు వెలుగులోకి వచ్చినట్టు తెలుస్తోంది. కన్నడ పరిశ్రమలో ఆమె చాలా కాలం పనిచేసింది. టైగర్‌ ష్రాఫ్‌తో కలిసి డిస్కో 82 అనే మ్యూజిక్‌ వీడియో కూడా చేశారు ఆకాంక్ష.