Priyamani Comments On Atlee : దర్శకుడు అట్లీ నన్ను మోసం చేశాడు.. . ప్రియమణి కామెంట్‌

ప్రియమణి(Priyamani) నటనకు వంకలు పెట్టే సాహసం ఎవరూ చేయరు. ఎందుకంటే ఆమె అద్భుతమైన నటి. తమిళంలో వరుత్తివీరన్‌ సినిమాలో నటనకు ఆమె జాతీయ ఉత్తమ నటి అవార్డు గెల్చుకున్నారు. మొదట్లో ఆమెకు హీరోయిన్‌గా మంచి క్రేజ్‌ ఉండింది. అయితే పెళ్లి తర్వాత తన వయసుకు తగిన పాత్రలు వేస్తున్నారు. తనకంటూ ప్రత్యేకమైన గుర్తింపును తెచ్చుకుంటున్నారు. ఇటీవల బాలీవుడ్‌ సినిమా జవాన్‌లో(Jawan) ముఖ్య పాత్రను పోషించారు. ఈ సినిమాలో నటించే అవకాశం వచ్చినప్పుడు ఏదో క్యామియో పాత్ర అయి ఉంటుందని అనుకున్నానని, అయితే షారుక్‌ ఖాన్‌(shahrukh Khan) టీమ్‌లో ఒకరిగా ముఖ్యమైన పాత్ర అని తెలియగానే చాలా సంతోషించానని ప్రియమణి ఎంతో ఆనందంతో చెబుతున్నారు. దర్శకుడు అట్లీ అనగానే ఇంకేం ఆలోచించకుండా నటిస్తానని చెప్పానని తెలిపారు. ఒకసారి జూమ్‌ కాల్‌లో దర్శకుడు అట్లీ, ఆర్య మాట్లాడారని చెప్పిన ప్రియమణి అట్లీ తన మిత్రుడు అని పరిచయం చేసి ఆర్య వెళ్లిపోయారన్నారు. ఆ విధంగా ప్రియమణి జవాన్‌ చిత్రంలో నటిస్తుందన్న వార్త వెలువడగానే ఏదో ఐటమ్‌ సాంగ్‌ అయ్యింటుందనే ప్రచారం జరిగిందన్నారు. అలాంటి ప్రచారాన్ని తాను పట్టించుకోలేదన్నారు. అయితే దర్శకుడు అట్లీ తనను చాలా మోసం చేశారని, జవాన్‌ చిత్రం తమిళ వర్షన్‌లో నటుడు విజయ్‌(Vijay) అతిథి పాత్ర లో నటించనున్నారని, అదే విధంగా తెలుగు వెర్షన్‌ జూనియర్‌ ఎన్టీఆర్‌ ఆ పాత్రను పోషించబోతున్నారనే ప్రచారం హోరెత్తిందన్నారు. విజయ్‌ ఇందులో నటిస్తున్నారా..? అని తాను అట్లీని(Atlee) అడిగితే నటింపజేస్తే పోద్ది అన్నారన్నారు. అయితే విజయ్‌తో తనను ఒక్క సన్నివేశంలోనైనా నటింపజేయమని కోరగా అలాగే అన్నారని, అయితే చివరివరకూ దర్శకుడు అట్లీ తనకు చెబుతూనే వచ్చారని వెల్లడించారు. నిజానికి ఈ చిత్రంలో విజయ్‌ గానీ, జూనియర్‌ ఎన్టీఆర్‌ గానీ నటించలేదని ప్రియమణి తెలిపారు.