Gauri kishan-Aditya : జాను, రామ్‌లు పెళ్లి చేసుకున్నారా?

విజయ్‌ సేతుపతి(Vijay sethupathi), త్రిష(Trisha) హీరోహీరోయిన్లుగా నటించిన 96 సినిమా అద్భుతమైన విజయాన్ని అందుకుంది. ఈ సినిమాను తెలుగులో శర్వానంద్‌(Sharwanand), సమంతలతో(Samantha) తీశారు కూడా! తమిళ సినిమాలో విజయ్‌ సేతుపతి, త్రిషలు ఎంత పాపులర్ అయ్యారో వారిద్దరి చిన్ననాటి పాత్రల్లో నటించిన గౌరీ కిషన్‌(Gauri kishan), ఆదిత్య(Aditya) కూడా అంతే పాపులర్‌ అయ్యారు. వీరిద్దరు ఇప్పుడు పెద్దవారయ్యారు. హీరో, హీరోయిన్‌ వేషాలు కూడా వేస్తున్నారు. చిన్నప్పటి త్రిషగా జాను పాత్రలో గౌరీ కిషన్ నటిస్తే, చిన్నప్పటి విజయ్‌ సేతుపతి రామ్‌ పాత్రలో ఆదిత్య నటించాడు. గౌరీ కిషన్‌కు తమిళంలోనే కాదు, తెలుగు, మలయాళ సినిమాల్లో కూడా ఆఫర్లు వస్తున్నాయ. ఆ మధ్యన చిరంజీవి కూతురు సుస్మిత కొణిదెల తీసిన శ్రీదేవి శోభన్‌బాబు సినిమాలో కూడా గౌరీకిషన్‌ నటించింది. ఆదిత్య కూడా తమిళంలో పలు సినిమాల్లో నటిస్తున్నాడు. లేటెస్ట్‌గా ఆదిత్య, గౌరీ కిషన్ కలిసి హాట్‌స్పాట్(Hotspot) అనే సినిమాలో నటించారు. తమిళంలో ఆ సినిమా మార్చి 29వ తేదీన విడుదలయ్యింది. ఈ సినిమా ప్రమోషన్‌ కోసం గౌరీ కిషన్ కొన్ని ఫోటోలు రిలీజ్‌ చేసింది. ఆ ఫోటోలలో ఆదిత్య, గౌరీ కిషన్ పెళ్లి చేసుకున్నట్టుగా ఉంది. దాంతో ఆ ఫోటోలు సోషల్‌ మీడియాలో బాగా వైరల్‌ అయ్యాయి. నెట్టింట ఆ పెళ్లి వార్తలు కూడా వచ్చాయి. ఆ పెళ్లి ఫోటో చూసి నెటిజన్లు అవాక్కయ్యారు. కొందరు వారికి విషెస్‌ కూడా చెప్పారు. అయితే ఆ ఫోటోలతో పాటు కింద ఇచ్చిన క్యాప్షన్ చూసిన తర్వాత ఇదంతా సినిమా ప్రమోషన్స్‌ కోసం అని తెలిసింది.