2018 movie : మాలీవుడ్‏లో 2018 చిత్రం కొత్త రికార్డు.. తెలుగులో రిలీజ్ చేయనున్న బన్నీ వాస్.. !

2018 ఆగస్టు కేరళలలో వచ్చిన వరదలు(Floods) అందరికీ గుర్తుండే ఉంటుంది. కేరళలలో 100 ఏళ్లలో ఎన్నడూ రాని విధ్వంసాన్ని సృష్టించిన వరదలు అవి. ఆ వరదల్లో 483 మంది ప్రాణాలు కోల్పోగా, 10 వేల మందిని కొన్ని రోజులపాటు రిలీఫ్ క్యాంప్‏లకు తరలించారు. ఈ ఇన్సిడెంట్ ఆధారంగా వచ్చిన సినిమాయే 2018. అవార్డు విన్నర్ డైరెక్టర్ జుడ్ ఆంథోనీ జోసెఫ్(Judd Anthony Joseph) ఈ చిత్రానికి దర్శకత్వం వహించారు. ఇందులో టొవినో థామస్(Tovino Thomas), అపర్ణ బాలమురళి(Aparna Balamurali), వినీత్ శ్రీనివాసన్(Vinith srinivas), అసిఫ్ అలీ(Asif Ali), కుంచకో బోబన్, లాల్ తన్వి రామ్ కీలక పాత్రల్లో నటించారు. అయితే మే 5న ఆ రాష్ట్రంలో పెద్దగా ప్రమోషన్స్ ఏమీ లేకుండా థియేటర్స్‏లో విడుదలైంది. ప్రస్తుతం ఈ సినిమా దేశంలోనే కాకుండా ఇంటర్నేషనల్ మార్కెట్లలో కూడా బిగ్గెస్ బ్లాక్ బస్టర్‏గా నిలిచింది. ఈ సినిమా 100 కోట్ల గ్రాస్ కలెక్షన్లతో మరో రికార్డును సొంతం చేసుకుంది. మాలీవుడ్‏లో ఈ సినిమా బ్లాక్ బస్టర్‏గా నిలవడంతో ఇప్పుడు సినిమాపై టాలీవుడ్ నిర్మాతల కన్ను పడింది.

తెలుగు రాష్ట్రాల్లో ఈ చిత్రాన్ని ప్యాషనేట్ ప్రొడ్యూసర్ బన్నీ వాసు విడుదల చేయనున్నారు. నైజా ఏరియా డిస్ట్రిబ్యూషన్స్‏ను గీతా ఆర్ట్స్ డిస్ట్రిబ్యూషన్ చేస్తుంది. బన్నీ వాస్ ఎప్పుడు కంటెంట్ ఓరియంటెండ్ సినిమాలను ఎంకరేజ్ చేస్తారు. ఇప్పుడు 2018 అనే మలయాళ చిత్రం ఆ కోవకు చెందినది కావడంతో తెలుగులోనూ ట్రైలర్‏ను విడుదల చేశారు. ఈ ట్రైలర్‏లో ఎడతెరిపి లేకుండా వర్షాలు కురవడం, డ్యామ్‏ల ఓపెనింగ్స్, వరదల్లో మునిగిపోయిన ఇళ్లు, జనాలు భయభ్రాంతులకు గురైన సీన్స్‏ను ట్రైలర్‏లో చూపించారు. కావ్య ఫిలిం కంపెనీ, పీ.కె ప్రైమ్ ప్రొడక్షన్స్ బ్యానర్లపై వేణు కున్నప్పిలి, సికె పద్మకుమార్, ఆంటోనీ జోసెఫ్ నిర్మిస్తున్నారు. ఇక ఈ చిత్రాన్ని తెలుగు రాష్ట్రాల్లో మే 26న గ్రాండ్‏గా రిలీజ్ చేయనున్నారు. ఈ డిజాస్టర్డ్ డ్రామాను వెండి తెరపై చూసేందుకు తెలుగు ఆడియన్స్ ఎంతో ఆసక్తిగా ఎదురుచూస్తున్నారు.