Leg Cramps At Night : రాత్రిళ్లు నిద్రపోతున్నప్పుడు కాళ్లు తిమ్మిర్లు వస్తే ఇలా చేయండి..

రాత్రిళ్లు నిద్రలో కాలు తిమ్మిరి(Leg Cramps), కండరాల సంకోచం కారణంగా కాళ్లు నొప్పి(Leg Pains) కలుగుతుంది. కాలి కండరాలలో ముఖ్యంగా పాదం, తొడలో కొన్ని సెకన్ల పాటు తీవ్రమైన నొప్పి ఉంటుంది. కొన్నిసార్లు ఆ నొప్పిని తట్టుకోవడం కష్టం అవుతుంది. రాత్రి నిద్ర పాడవడమే కాకుండా.. రోజూ పై ప్రభావితం చేస్తుంది. అయితే ఇటువంటి తిమ్మిర్లు కొన్ని సెకన్ల పాటు మాత్రమే ఉంటాయి. కానీ చాలా సార్లు చాలా నిమిషాల పాటు కండరాలలో సంకోచాలు చేస్తూనే ఉంటుంది. కాలు కండరాలలో రక్తం లేకపోవడం, ఒత్తిడి లేదా అధికంగా వ్యాయామం వల్ల కాళ్ల తిమ్మిర్లు వస్తుంటుంది. డెస్క్‌లో ఎక్కువసేపు పనిచేయడం, కండరాలను ఎక్కువగా ఉపయోగించడం, కాంక్రీట్ ఫ్లోర్‌పై నడవడం, సరైన భంగిమ లేకుండా కూర్చొవడం, కిడ్నీ ఫెయిల్యూర్, డయాబెటిక్ నరాల దెబ్బతినడం, ఐరన్ లోపం, రక్త ప్రసరణ సమస్యల వల్ల రాత్రిపూట తిమ్మిర్లు వస్తాయి.

తిమ్మిర్ల నుంచి ఉపశమనం పొందడానికి మార్గాలు..
1. కాలులో తిమ్మిరి ఉంటే, వెంటనే బొటనవేలును పట్టుకుని కాలును నేరుగా చాపాలి. పాదాలలో తిమ్మిరి ఉంటే.. అప్పుడు నిలబడి భంగిమను సాగదీయండి. కండరాలలో తిమ్మిరి ఏర్పడిన వెంటనే ఆ ప్రదేశాన్ని చేతితో లేదా మసాజర్ సహాయంతో నొక్కి, కండరాలకు మసాజ్ చేయాలి.
2. వెంటనే లేచి నిలబడి అరికాళ్ళను నేలపై గట్టిగా నొక్కాలి. వేడి నీటితో కంప్రెస్ చేయండి. లేదా వేడి నీటిలో పాదాలను ముంచండి. వేడి నీటితో కూడా స్నానం చేయవచ్చు.
3. ఒక టవల్‌లో ఐస్ ప్యాక్ పెట్టాలి. దానితో కండరాలను బాగా కట్టేయాలి. కొన్ని నిమిషాలు అలాగే ఉండనివ్వాలి.
4. విటమిన్ బి12 కాంప్లెక్స్ లేదా మెగ్నీషియం సప్లిమెంట్ తీసుకోండి. రాత్రి పడుకునే ముందు కాసేపు నడవండి. చాలా తేలికపాటి వ్యాయామం చేయాలి. రోజూ 8 గ్లాసుల నీరు తప్పనిసరిగా తాగాలి.
5. వీలైనంత వరకు కెఫిన్, ఆల్కహాల్ తీసుకోవద్దు. అప్పటికీ తిమ్మిరి నుండి ఉపశమనం లభించకపోతే, వెంటనే వైద్యుడిని సంప్రదించండి.