Snake in the House? : పాము ఇంట్లోకి వచ్చిందా.. వీటిని పిచికారీ చేస్తే దరిదాపుల్లో కూడా ఉండదు..!

పాములు భూమిపై అత్యంత విషపూరితమైన జీవులలో ఒకటిగా పరిగణించబడతాయి. వీటిలో కొన్ని పాములు చాలా విషపూరితమైనవి, కొన్ని పాము కాట్లతో నిమిషాల వ్యవధిలో వ్యక్తి మరణానికి కారణమవుతాయి. ఇలాంటి పరిస్థితుల్లో పామును చూడగానే భయంతో కొందరు పక్షవాతానికి గురవుతారు. వేసవి, వర్షాకాలంలో పాములు తరచూ బయటకు రావడంతోపాటు ఒక్కోసారి ఇళ్లలోకి ప్రవేశిస్తుంటాయి. ఇలాంటి పరిస్థితుల్లో పామును ఇంట్లో నుంచి ఎలా బయటకు పంపాలో తెలియని పరిస్థితి నెలకొని ఉంటుంది.

వేసవి, వర్షాకాలంలో భయం కారణంగా పాములు తరచుగా బయటకు వస్తాయి. ఎలుకలు, కప్పలు, చేపల వాసన వాటిని ఆకర్షిస్తుంది. అవి కూడా ఆహారం కోసం వెతుకుతాయి. ఇంట్లో ఈ వస్తువులు ఏవైనా ఉంటే, పాము ప్రవేశించవచ్చు. ఇప్పుడు ఇంట్లోకి పాము వస్తే భయపడొద్దు. దాన్ని తరిమికొట్టడానికి వస్తువులను పిచికారీ చేయవచ్చు.

చెక్క, ఇటుకలు లేదా పాత వస్తువులను ఇంట్లో ఎక్కడా ఉంచకూడదు. ఎందుకంటే పాములు ఈ ప్రదేశాల్లో దాచుకునేందుకు సౌకర్యవంతంగా ఉంటాయి. పాములు ఆహారం దొరికే ప్రదేశాలను, సౌకర్యవంతంగా ఉండే ప్రదేశాలను ఇష్టపడతాయని నిపుణులు చెప్తున్నారు. అన్ని జాగ్రత్తలు తీసుకున్న తర్వాత కూడా ఇంట్లోకి పాము వచ్చినా అది మనకంటే ఎక్కువ భయపడుతుందని గుర్తుంచుకోవాలి. పాము ఇంట్లో ఓ మూల దాగి ఉంటే దాన్ని తరిమికొట్టేందుకు వంటగదిలో ఉంచిన కొన్ని వస్తువులను స్ప్రే చేయవచ్చని నిపుణులు చెప్తున్నారు.

పాములు బలమైన వాసనలకు భయపడతాయి.. ఆ వాసనతో విసుగు చెంది అవి ఆ ప్రాంతాన్ని వదిలివెళ్తాయి. నవరత్న తైలం వంటి ఘాటైన వాసనగల నూనెను ఆ ప్రాంతంలో పిచికారీ చేస్తే పాము చికాకు పడి వెళ్లిపోతుంది. ఫినాయిల్, బేకింగ్ సోడా, ఫార్మాలిన్, కిరోసిన్ స్ప్రే చేయడం వల్ల ఎటువంటి హాని జరగకుండా పాము ఇంటి నుండి బయటకు వెళ్లిపోతుంది. ఈ పదార్థాలను నీటిలో కలిపి పాము సంచరిస్తున్న ప్రాంతంలో స్ప్రే చేస్తే అది వెళ్లిపోతుంది.

ఫినాయిల్ వంటి బలమైన వాసన గల ద్రవాన్ని నేరుగా పాము శరీరంపై పిచికారీ చేయవద్దు, ఎందుకంటే అది పాములకు హాని కలిగిస్తుంది. వీటిని పాము ఉన్న ప్రదేశం చుట్టూ స్ప్రే చేయాలి. ఈ రోజుల్లో, బొద్దింకలు, దోమలను చంపడానికి ప్రతి ఒక్కరి ఇంట్లో ఎరుపు, నలుపు పురుగుల నివారణ మందులు ఉన్నాయి. పాము ఇంట్లోకి ప్రవేశించినట్లయితే అది సంచరించిన ప్రదేశంలో ఏదైనా ఇతర పురుగుమందును పిచికారీ చేయవచ్చు. తీవ్రమైన వాసన కారణంగా, పాము బహిరంగ ప్రాంతానికి వెళ్లడానికి ప్రయత్నిస్తుంది. పాము బయలుదేరడానికి ప్రయత్నిస్తున్నప్పుడు దానిని అడ్డుకోకూడదు లేకుంటే అది కాటు వేసే ప్రమాదం ఉంది.