Lemon Juice For Skin : చర్మానికి నేరుగా నిమ్మరసం రాయడం మంచిదేనా ?.. వివరాలు తెలుసుకోండి..

సీజన్స్ మారుతున్న ప్రతిసారి చర్మ సంబంధిత సమస్యలు(skin Related Problems) వేధిస్తుంటాయి. దీంతో మార్కెట్లో లభించే రకరకాల ఉత్పత్తులను, సహజసిద్ధమైన వస్తువులను వాడటం మొదలుపెడతారు. కానీ చాలా వరకు ఎలాంటి ఫలితం కనిపించదు. కేవలం సామాన్యులు మాత్రమే.. పెద్ద పెద్ద సెలబ్రిటీలు కూడా వీటిపైనే ఆధారపడతారు. అయితే కొన్ని సహజమైన(Natural) విషయాలు చర్మానికి కూడా హాని కలిగిస్తాయి. ఇంట్లో లభించే నిమ్మకాయ(Lemon) ఆరోగ్యానికి అనేక ప్రయోజనాలు(Benefits) ఉండడమే కాకుండా.. చర్మానికి అనేక విధాలుగా ప్రయోజనకరంగా ఉంటుంది. కానీ దాని రసాన్ని నేరుగా చర్మంపై అప్లై చేయడం హానికరం. నిమ్మరసం వల్ల చర్మానికి(skin) కలిగే నష్టాలను తెలుసుకుందాం.

నిమ్మకాయ బ్లీచింగ్(Lemon Bleaching) ప్రభావాలను కలిగి ఉంటుంది

హెల్త్‌లైన్ వార్తల ప్రకారం నిమ్మకాయ చర్మానికి చాలా విధాలుగా మేలు చేస్తుంది. ఎందుకంటే బ్లీచింగ్ ఎఫెక్ట్స్ ఇందులో కనిపిస్తాయి. ఇది చర్మానికి సంబంధించిన సమస్యలను తొలగించడంలో సహాయపడుతుంది. ఇది కాకుండా విటమిన్ సి(Vitamin C) నిమ్మరసంలో లభిస్తుంది. ఇది మరకలు, మచ్చలను(Dark Spots) తొలగించడంలో సహాయపడుతుంది. ఇంత ప్రయోజనాలు అందిస్తున్నప్పటికి ఆ రసాన్ని నేరుగా చర్మంపై పూయడం ప్రమాదమే అంటున్నారు నిపుణులు. నిమ్మరసాన్ని నేరుగా చర్మంపై అప్లై చేయడం వల్ల అనేక సమస్యలు వస్తాయి.

వాస్తవానికి నిమ్మకాయతో చాలా ప్రయోజనాలున్నాయి. అయితే దాని రసాన్ని నేరుగా చర్మంపై పూయకూడదు. నిమ్మరసంతో ఇతర వస్తువులను కలిగి ఉండటం వలన దాని సమతుల్యతను సరిగ్గా ఉంచుతుంది. నిమ్మరసం చర్మంపై పూయడం వల్ల మంట, దురద, ఎర్రగా మారుతుంది. నిమ్మరసం నేరుగా చర్మంపై అప్లై చేయడం వల్ల కూడా అనేక దుష్ప్రభావాలు కలుగుతాయి. ఇది కాకుండా నిమ్మరసం ఉపయోగించడం వల్ల చర్మం వడదెబ్బకు గురయ్యే ప్రమాదాన్ని కూడా పెంచుతుంది. అయితే కొందరిలో నిమ్మరసం వాడటం వల్ల కెమికల్(Chemicals) ల్యూకోడెర్మా, ఫైటోఫోటోడెర్మాటిటిస్ వంటి చర్మ సమస్యలు వచ్చే ప్రమాదం కూడా ఎక్కువ.

నిమ్మరసం అప్లై చేయడానికి సరైన మార్గం..

చర్మంపై నిమ్మకాయను అప్లై చేయాలనుకుంటే నీళ్లు, తేనె, పెరుగు లేదా కొబ్బరినూనె మొదలైనవి కలపాలి. నిమ్మరసాన్ని నేరుగా అప్లై చేయడం ద్వారా మంట లేదా దురద వంటి లక్షణాలు కనిపిస్తే వెంటనే ఆపేయాలి. ఆ తర్వాత చర్మాన్ని వెంటనే నీటితో శుభ్రం చేసి కొబ్బరినూనె రాయడం మంచిది. దీని తర్వాత కూడా సమస్య ఉంటే, అప్పుడు నిపుణులను సంప్రదించడం చాలా ముఖ్యం.